Майкоп, 26 ноября – АиФ-Адыгея. Урысые общественнэ движениеу «Народнэ фронт «За Россию!» зыфиIорэм ирегион штаб иапэрэ зэхэсыгъо Адыгеим щыкIуагъ.
ОНФ-м ирегион штаб хэтхэм анэмыкIэу мы зэхэсыгъом хэлэжьагъэх общественнэ организациехэм ялIыкIохэр, спортсменхэр, наукэмрэ культурэмрэ яIофышIэхэр, республикэм игъэцэкIэкIо хабзэ иорганхэм ялIыкIохэр.
Зэхэсыгъор анахьэу зыфэгъэхьыгъагъэр къэралыгъо политикэмкIэ лъэныкъо шъхьаIэхэу Урысые Федерацием и Президентэу, зигугъу къэтшIыгъэ движением ипащэу Владимир Путиным 2012-рэ илъэсым жъоныгъуакIэм и 7-м ыштэгъэ Указхэм ащыгъэнэфагъэхэр Адыгеим зэрэщагъэцакIэхэрэр ары.
ЗэIукIэгъум хэлэжьагъэхэр псауныгъэм икъэухъумэнкIэ, къэралыгъо социальнэ политикэмкIэ ыкIи лъэпкъ зэгурыIоныгъэмкIэ Iофхэм язытет тегущыIагъэх. Къэралыгъом политикэу чIыпIэхэм ащызэрихьэхэрэм якIэуххэр зэфэхьысыжьыгъэнхэм фэшI Народнэ фронтыр зыкIызэхащагъэри.
– Къэралыгъом иIэшъхьэтет президентыгъор зиIыгъырэмкIэ апэрэу ащ фэдэ фронтым пащэ фэхъугъ. Ащ къеушыхьаты зэхъокIыныгъэхэр пхырызыщынхэ зылъэкIыщт амал Владимир Путиным ащ зэрэхилъэгъуагъэр, – къыIуагъ Урысые народнэ фронтым итхьамэтэ гуадзэу Щыщэ Люсинэ.
АР-м и ЛIышъхьэ и пресс-къулыкъу.
В Адыгее состоялось заседание регионального штаба ОНФ 
В июле в Адыгее сбоев в выплате пенсий и пособий не было 
В Адыгее пенсии увеличатся на 6,6% 
В Адыгее с 1 апреля увеличивается размер пенсий 
Более 1 млрд рублей получили пенсионеры Адыгеи в августе