39

АР-м и ЛIышъхьэу ТхьакIущынэ Аслъан афэтхьаусыхагъ

Майкоп, 27 ноября – АиФ-Адыгея.Урысые Федерацием и Федеральнэ ЗэIукIэ ФедерациемкIэ и Совет хэт Кондратенко Николай Игнат ыкъом идунай зэрихъожьыгъэм епхыгъэу Адыгэ Республикэм и ЛIышъхьэу ТхьакIущынэ Аслъан Краснодар краим игубернаторэу Александр Ткачевым тхьаусыхэ тхылъ фигъэхьыгъ.

Ащ мырэущтэу къыщеIо: «Лъытэныгъэ зыфэсшIырэ Александр Николай ыкъор! Урысые Федерацием и Федеральнэ ЗэIукIэ ФедерациемкIэ и Совет хэтэу, Краснодар краим игубернаторыщтыгъэу, политикэ, къэралыгъо IофышIэ цIэрыIоу, краим ихэхъоныгъэ, Пшызэ шъолъырымрэ Адыгеимрэ азыфагу илъ зэгъунэгъу зэфыщытыкIэшIухэм ягъэпытэн зиIахьышхо ахэзышIыхьэгъэ Кондратенко Николай Игнат ыкъом идунай зэрихъожьыгъэр лъэшэу гухэкI сщыхъугъ. А чIэнэгъэшхом фэшI Адыгэ Республикэм щыпсэухэрэм ацIэкIэ ыкIи сэ сшъхьэкIэ Ори, Краснодар краим зэкIэ щыпсэухэрэми тышъуфэтхьаусыхэ».

Ащ нэмыкIэу Адыгеим и ЛIышъхьэ Пшызэ шъолъыр игубернаторыщтыгъэм ищъхьэгъусэу Валентинэ Кондратенкэми тхьаусыхэ тхылъ фигъэхьыгъ.

Ащ мырэущтэу къыщеIо: «Лъытэныгъэ зыфэсшIырэ Валентинэ Павел ыпхъур! Къинышхо къызэрэпфыкъокIыгъэм - уишъхьэгъусэу Кондратенко Николай Игнат ыкъом идунай зэрихъожьыгъэм фэшI сыпфэтхьаусыхэ. Николай Игнат ыкъор сыдигъуи Iофым фэшъыпкъагъ, IэпэIэсэныгъэшхо хэлъыгъ, щыIэныгъэм игупчэ ит зэпытыгъ, патриот шъыпкъэу щытыгъ. Адыгэ Республикэм щыпсэухэрэми, ар зышIэщтыгъэ пстэуми чIэнэгъэшхо ашIыгъ. Къинышхоу къыпфыкъокIыгъэр къыбдэсэгощы, сыкъыпфэшъыгъо. Кондратенко Николай Игнат ыкъор сыдигъуи шIукIэ тыгу илъыщт».

Адыгэ Республикэм и ЛIышъхьэ ипресс-къулыкъу

Смотрите также:

Оставить комментарий (0)

Также вам может быть интересно

Загрузка...

Топ 5 читаемых