Майкоп, 29 ноября – АиФ-Адыгея. Адыгеим иIэшъхьэтетхэр Мыекъопэ районым ипащэ иIэнатIэ зэрэIухьэрэм фэгъэхьыгъэ Iофтхьабзэм хэлэжьагъэх Урысые Федерацием и Правительствэ и Тхьаматэу Дмитрий Медведевым видеоконференцие шIыкIэм тетэу кIогъэ Урысые селектор зэхэсыгъоу шъолъырхэм ягъэцэкIэкIо хабзэ икъулыкъухэм япащэхэр зыхэлэжьагъэр зэрищагъ.
2013 - 2014-рэ илъэсхэм якIымэфэ лъэхъан шъолъырхэр зэрэфэхьазырхэм зэхэсыгъом щытегущыIагъэх. Адыгеим ыцIэкIэ республикэм и Премьер-министрэу КъумпIыл Мурат ащ хэлэжьагъ.
Адыгэ Республикэм и Премьер-министрэу КъумпIыл Мурат зэрэхигъэунэфыкIыгъэмкIэ, 2013 - 2014-рэ илъэсхэм ябжыхьэ-кIымэфэ лъэхъан унэ-коммунальнэ комплексым ихъызмэтхэр проценти 100-у чъэпыогъум и 1-м ехъулIэу фэхьазырыгъэх.
КIымафэм зэрэтегъэпсыхьагъэхэмкIэ паспортхэр муниципалитетхэм агъэхьазырхи, чъэпыогъум и 15-м ехъулIэу аIэкIагъэхьэгъагъэх. Котельнэ 324-р, фэбэпIэ сеть километрэ 300-м ехъур, псырыкIопIэ километрэ мини 2,5-р, шIоипсрыкIопIэ километрэ 550-м ехъур, газрыкIопIэ километрэ мини 3,2-р ыкIи квадратнэ метрэ миллиони 5-рэ хъурэ псэупIэ фондыр кIымафэм фагъэхьазырыгъах.
Адыгэ Республикэм имуниципальнэ образованиехэм псауныгъэм икъэухъумэнкIэ ыкIи гъэсэныгъэмкIэ яучреждениехэр 2013-рэ илъэсым чъэпыогъум и 9-м щегъэжьагъэу, республикэм зэкIэ ичIыпIэхэр мы илъэсым чъэпыогъум и 25-м къыщыублагъэу къагъэплъых.
Адыгэ Республикэм и ЛIышъхьэ ипресс-къулыкъу.
КъумпIыл Мурат: «Проектхэр гъэцэкIэгъэнхэр пшъэрылъ шъхьаI» 
Iофхэм язытет тегущыIагъэх 
Адыгеим и ЛIышъхьэ республикэм щыпсэухэрэм яупчIэхэм джэуапхэр къаритыжьыгъ 
Адыгеим апэрэ чIыпIэр ыубытыгъ 
Километрэ 37-рэ фэдиз зикIыхьэгъэщт дамбэхэр ашIыщтых