Примерное время чтения: 2 минуты
64

Адыгеим сэкъатныгъэ зиIэу исхэм аратырэ ахъщэ шIухьафтынхэм ахагъэхъуагъ

Майкоп, 4 декабря – АиФ-Адыгея. Илъэс 13 хъугъэу гъэсэныгъэм ыкIи шIэныгъэм, литературэм ыкIи искусствэм, техникэм ыкIи народнэ творчествэм, физическэ культурэм ыкIи спортым алъэныкъокIэ ахъщэ шIухьафтыным икъыдэхын тегъэпсыхьагъэу Адыгэ Респубикэм ис сэкъатхэм азыфагу зэнэкъокъу щызэхащэ.

Илъэс къэс а зэнэкъокъухэм ахэлэжьэрэ нэбгыри 6-м ыпшъэкIэ къэтпчъыгъэ лъэныкъохэм гъэхъагъэу ащашIыгъэхэм апае ахъщэ шIухьафтын афагъэшъуашэ.

ПстэумкIи илъэс 13-м къыкIоцI нэбгырэ 80-м ехъумэ а шIухьафтыныр афагъэшъошагъ.

Адыгэ Республикэм и ЛIышъхьэу ТхьакIущынэ Аслъан и Указэу «Зипсауныгъэ пыч фэхъугъэ цIыфхэу Адыгэ Республикэм щыпсэухэрэм ахъщэ шIухьафтын ятыгъэным фэгъэхьыгъэ Положением зэхъокIыныгъэхэр фэшIыгъэнхэм ехьылIагъ» зыфиIорэм тегъэпсыхьагъэу ахъщэ шIухьафтынхэу сомэ мини 5 хъущтыгъэхэр сомэ мини 10-м нагъэсыгъэх.

ШIухьафтыныр къаратыным пае зэнэкъокъум хэлэжьэнхэмкIэ фитыныгъэ зиIэхэр илъэс 14-м нэсыгъэхэр ыкIи ащ шIокIыгъэхэр ары. Ахъщэ шIухьафтыныр афэгъэшъошэгъэным ехьылIэгъэ унашъор комиссие гъэнэфагъэм ештэ. Ащ хэхьэх гъэцэкIэкIо хабзэм икъулыкъухэм, общественнэ объединениехэм, ветеранхэмрэ сэкъатныгъэ зиIэхэмрэ яорганизациехэм ялIыкIохэр.

Адыгэ Республикэм и ЛIышъхьэ ипресс-къулыкъу.

Смотрите также:

Оцените материал
Оставить комментарий (0)

Также вам может быть интересно

Топ 5 читаемых

Самое интересное в регионах