Майкоп, 5 декабря – АиФ-Адыгея. Нэмыц-фашист техакIохэр Кавказым зырафыжьыгъэхэр илъэс 70-рэ зэрэхъурэм фэгъэхьыгъэ Iофтхьабзэу «ДзэкIолIым ыгу» зыфиIорэр къалэу Мыекъуапэ щырагъэжьагъ.
Мэфи 3-рэ рекIокIыщт Iофтхьабзэр зэхэзыщэрэр А. Н. Бакулевым ыцIэкIэ щыт РАМН-м гу-лъынтфэ хирургиемкIэ и Научнэ гупчэ, телекомпаниеу «Апэрэ каналыр», Адыгэ Республикэм иIэшъхьэтетхэр ары.
Мы Iофтхьабзэм къыдыхэлъытагъэу Хэгъэгу зэошхом иветеранхэм Бакулевскэ Гупчэм испециалистхэм зарагъэуплъэкIун, консультациехэр къаIахын алъэкIыщт, ищыкIагъэу зыхъурэм ыпкIэ хэмылъэу къяIэзэнхэу ахэр Гупчэм агъэкIощтых.
Москва иврачхэм ветеранхэр тыгъэгъазэм и 3-м къыщегъэжьагъэу и 5-м нэс мафэ къэс сыхьатыр 9.00-м къыщегъэжьагъэу Мыекъопэ къэралыгъо технологическэ университетым имедицинэ институт щауплъэкIущтых.
Мы мафэхэм МКъТУ-м тематическэ Iофтхьэбзэ заули щыкIощт: заом илъэхъан аусыгъэ орэдхэр мыщ щыIущтых, дзэ-патриотическэ клубхэм якъэгъэлъэгъонхэр къызэIуахыщтых, спецназым идзэкIолIхэм якъэгъэлъэгъонхэр, сурэтхэмрэ видеотехыгъэхэмрэ ялъэтегъэуцохэр щыIэщтых, джащ фэдэу Iофтхьабзэхэу «Уятэжъ ыцIэ къэтх», «Георгиевскэ лент» зыфиIохэрэр зэхащэщтых.
Аужырэ мафэм ветеранхэм Адыгэ Республикэм и Къэралыгъо филармоние концерт къащафатыщт. Джащ фэдэу мыщ дзэ тематикэм фэгъэхьыгъэ сурэтхэмрэ искусствэхэмкIэ кIэлэцIыкIу еджапIэхэм якIуалIэхэрэм яхудожественнэ IэшIагъэхэмрэ якъэгъэлъэгъонхэр къыщызэIуахыщтых.
Адыгэ Республикэм и ЛIышъхьэ ипресс-къулыкъу.
В Адыгее продолжается акция «Солдатское сердце» 
Кардиохирурги Центра им. Бакулева обследуют в Адыгее ветеранов и детей 
В дочерних предприятиях «Газпрома» в Адыгее сменился генеральный директор 
...Как будут рассчитывать оплату за газ? ...Как будут рассчитывать оплату за газ?