Примерное время чтения: 1 минута
70

ТхьакIущынэ Аслъан кIэлэцIыкIу IыгъыпIакIэм икъызэIухын хэлэжьагъ

Майкоп, 11 декабря – АиФ-Адыгея. Адыгеим и ЛIышъхьэу ТхьакIущынэ Аслъан тыгъэгъазэм и 9-м кIэлэцIыкIу IыгъыпIакIэм икъызэIухын фэгъэхьыгъэ Iофтхьабзэм хэлэжьагъ.

КIэлэцIыкIу IыгъыпIэу N 38-у «Акварелька» зыфиIорэр Кубанскэ къэралыгъо медицинэ академием икъутамэ зычIэтыгъэ унэм къыщызэIуахыгъ. КIэлэцIыкIу IыгъыпIэм игъэцэкIэжьын илъэсрэ пылъыгъэх, муниципальнэ бюджетым имылъкоу сомэ миллион 76,2-рэ ащ пэIуагъэхьагъ.  КIэлэцIыкIу IыгъыпIакIэр сабый 280-мэ ателъытагъ.

Джащ фэдэу ТхьакIущынэ Аслъан псэолъэшIхэм дэгъоу Iоф зэрашIагъэм пае зэрафэразэр ариIуагъ. КIэлэцIыкIу IыгъыпIэр урысые, европэ шапхъэхэм зарадиштэрэм хьакIэхэр шыхьат фэхъугъэх. КIэлэцIыкIу IыгъыпIэр къызызэIуах нэуж Адыгеим и ЛIышъхьэ ар къыплъыхьагъ, джырэ шапхъэхэм адиштэрэ пщэрыхьэпIэ дэгъу зэрэхэтыр къыIуагъ.

Адыгэ Республикэм и ЛIышъхьэ ипресс-къулыкъу.

Смотрите также:

Оцените материал
Оставить комментарий (0)

Также вам может быть интересно

Топ 5 читаемых

Самое интересное в регионах