aif.ru counter
136

ТхьакIущынэ Аслъан автомобили 10-мэ яIункIыбзэхэр медикхэм аритыжьыгъэх

Майкоп, 19 декабря - АиФ-Адыгея. Адыгеим и ЛIышъхьэу ТхьакIущынэ Аслъан тыгъэгъазэм и 17-м автомобилхэу «Лада-гранта» зыфиIохэрэм яIункIыбзэхэр республикэм иполиклиники 10-мэ ялIыкIохэм аритыжьыгъ.

Ащ фэдэ автомобильхэр зыIукIагъэхэр къалэу Мыекъуапэ, Тэхъутэмыкъое, Красногвардейскэ, Мыекъопэ районхэм яполиклиникхэр ары. А машинэхэмкIэ участкэ врачхэр IэпыIэгъу псынкIэ зищыкIагъэхэм алъыIэсыщтых.

– Псауныгъэм икъэухъумэн игъэкIэжьын Адыгеим щылъагъэкIуатэ. Мы илъэс закъом мобильнэ госпиталь, IэпыIэгъу псынкIэм имашинитIу зэдгъэгъотыгъ, ащ тыкъыщымыуцунэуи сэгугъэ. Адыгэ Республикэм шIокI зимыIэ медицинэ страхованиемкIэ и Фондрэ Адыгэ Республикэм псауныгъэр къэухъумэгъэнымкIэ и Министерствэрэ кIаугъоегъэ ахъщэмкIэ а машинэхэр къэтщэфыгъэх, –къыIуагъ республикэм и ЛIышъхьэ IункIыбзэхэр аритыжьызэ.

Псауныгъэм икъэухъумэн гъэкIэжьыгъэнымкIэ Iофтхьабзэхэу республикэм щызэрахьэхэрэр анахьэу зытегъэпсыхьэгъагъэхэр республикэм истационар учреждениехэм гъэцэкIэжьынышхохэр яшIылIэгъэнхэр ыкIи ахэм ящыкIэгъэ оборудованиер аIэкIэгъэхьэгъэныр ары.

Амбулаторнэ-поликлиникэ къулыкъухэм ащ фэдизэу ар алъыIэсыщтыгъэп. Участкэ врачхэм апае машинэхэр къызэращэфыгъэр амбулаторнэ-поликлиникэ IэпыIэгъу дэгъу ягъэгъотыгъэным тегъэпсыхьэгъэ Iофтхьабзэхэм зэу ащыщ.

АР-м и ЛIышъхьэ и пресс-къулыкъу.

Смотрите также:

Оставить комментарий (0)

Также вам может быть интересно

Загрузка...

Топ 5 читаемых