Майкоп, 29 января - АиФ-Адыгея. Республикэм нэмыц-фашист техакIохэр зырафыжьыгъэхэр илъэс 70-рэ зэрэхъурэм фэгъэхьыгъэ Iофтхьабзэхэр Адыгеим ичIыпIэ зэфэшъхьафхэм мы мафэхэм ащызэхащэх.
Хэгъэгу зэошхом щыфэхыгъэ тидзэкIолIхэм ясаугъэтэу Мыекъуапэ дэтым дэжь тыгъуасэ къыщызэрэугъоигъэх зэо зэфэшъхьафхэм ахэлэжьагъэхэр, гъэцэкIэкIо хабзэм илIыкIохэр, ветеран ыкIи ныбжьыкIэ организациехэм ахэтхэр, нэмыкIхэри.
Тихэгъэгу, тиреспубликэ шъхьафит зышIыжьыгъэ дзэкIолIхэм зэрахьэгъэ лIыхъужъныгъэр цIыфхэм зэращымыгъупшэщтыр, заом щыфэхыгъэхэр егъэшIэрэ шIэжьэу тыгу зэрилъыщтхэр къыхагъэщызэ, къэзэрэугъоигъэхэр фэхыгъэхэм зы такъикърэ афэшъыгъуагъэх.
Саугъэтым къэгъэгъэ блэрхэр кIэралъхьагъэх.