45

Республикэм икIэлэ­егъэджэ анахь дэгъур къыхахыгъ

Майкоп, 24 мая – АиФ-Адыгея.«АдыгеимкIэ илъэсым ианахь кIэлэегъэджэ дэгъу» зыфиIорэ зэнэкъокъум хэлэжьагъэхэу, текIоныгъэ ыкIи ха­гъэунэфыкIырэ чIыпIэхэр къыдэзыхыгъэхэм АР-м и ЛIышъхьэу ТхьакIущынэ Аслъан къафэгушIуагъ. ЫкIи яIофшIэнкIэ къа­лэжьыгъэхэр аритыжьыгъэх.

Мыгъэрэ зэнэкъокъум лъэныкъо зэфэшъхьафхэмкIэ те­кIоныгъэ къыщыдэзыхыгъэ кIэ­лэегъэджэхэм Адыгэ Республикэм и ЛIышъхьэ иунашъокIэ сомэ мин 20 зырызрэ дипломхэмрэ афагъэшъошагъэх.

Республикэм икIэлэегъэджэ анахь дэгъу хъугъэ Адыгэкъалэ дэт гу­рыт еджапIэу N 2-м ­музыкэмрэ дунэе художественнэ куль­ту­рэм­рэкIэ щезыгъэджэхэрэ Джамырзэ Азидэ. Сомэ мин 50, текIоны­­гъэр къызэрэдихыгъэр къэзыушыхьатырэ Дипломыр ыкIи «Хрустальный пеликан» зыфи­Iорэ шIухьафтыныр АР-м и ЛIы­шъхьэ ащ фигъэшъошагъэх.

Смотрите также:

Оставить комментарий (0)

Также вам может быть интересно

Загрузка...

Топ 5 читаемых