Примерное время чтения: 2 минуты
56

Елизавета Стрельцовэм джэрз медалыр къыфагъэшъошагъ

Фото: Алексей Гусев

Майкоп, 9 сентября – АиФ-Адыгея. Адыгэ Республикэм и ЛIышъхьэу ТхьакIущынэ Аслъан правительствэм и Унэ ригъэблэгъагъ къалэу Мыекъуапэ дэт лицееу N 8-м ия 11-рэ класс ис Елизавета Стрельцовар. ЗэIухыгъэ математическэ олимпиадэу Китаим щыкIуагъэм ащ текIоныгъэр къыщыдихыгъ.

Республикэм и ЛIышъхьэ лъэшэу игуапэу пшъашъэм фэгушIуагъ текIоныгъэу къыдихыгъэм пае ыкIи гъэхъэгъакIэхэр ышIынхэу фиIуагъ.

Адыгэ Республикэм и ЛIышъхьэ и пресс-къулыкъу къызэритырэмкIэ, Елизавета Стрельцовам Адыгэ къэралыгъо университетым щызэхащэгъэ Республикэ естесственнэ математическэ еджапIэм математикэмкIэ, физикэмкIэ ыкIи информатикэмкIэ иотделениехэм гъэсэныгъэ тедзэ ащызэрегъэгъоты. Апшъэрэ классым икIэлэеджакIо къалэхэу Москва, Санкт-Петербург, Саровэ, Екатеринбург ыкIи нэмыкIхэм ащыкIогъэ зэнэкъокъу зэфэшъхьафхэм диплом, щытхъу тхылъ ыкIи шIухьафтын зэфэшъхьафэу 20-м ехъу къащыфагъэшъошагъ.

КIэлэеджакIохэм я Урысые олимпиадэ ия III-рэ чэзыу къыщыдихыгъэ текIоныгъэм пае Адыгэ Республикэм и ЛIышъхьэ ирэзэныгъэ тхылъ Елизаветэ фагъэшъошагъ. Мы илъэсым, мэлылъфэгъум, Урысые олимпиадэм ия IV-рэ чэзыу гъэхъагъэ хэлъэу ащ зыкъыщигъэлъэгъуагъ.

Урысыем ихэшыпыкIыгъэ командэ тегъэпсыхьагъэу пшъашъэхэм азыфагу Китаим икъалэу Нинбо щыкIогъэ математическэ олимпиадэм хэлэжьэнэу Урысыем икомандэ ар хагъэхьэгъагъ. Мы олимпиадэм Елизаветэ джэрз медаль къыщыфагъэшъошагъ.

Смотрите также:

Оцените материал
Оставить комментарий (0)

Также вам может быть интересно

Топ 5 читаемых

Самое интересное в регионах