Бэдзэогъум и 10-м мыщ ятIонэрэ потокыр щаухыгъ. КIэлэцIыкIу 480-у Адыгеим ичIыпIэ зэфэшъхьафхэм къарыкIыгъэхэм лагерым зыщагъэпсэфыгъ ыкIи япсауныгъэ нахь щагъэпытагъ. Джыри мы зыгъэпсэфыпIэм илъэсиблым щегъэжьагъэу пшIыкIутфым нэс зыныбжь кIэлэцIыкIу 2000- м ехъу къэкIонэу щыт.
Мыщ джыри сыкъэкIонэу сыфай
Мэфэ токIрэ зырэм къыкIоцI кIэлэцIыкIухэр зекIо зэфэшъхьафхэм, спорт зэныкъокъухэм ахэлажьэх.
- Сэ посёлкэу Яблоновскэм сыкъикIи лагерым сыкъэкIуагъ, сшIэгъахэп зыгъэпсэфыгъо уахътэр ащ фэдэу гушIуагъоу кIощтми, джыри ащ сыкъакIо сшIоигъу,- къеIуатэ Ачмыз Альбинэ.
КIэлэцIыкIумэ хы ШIуцIэ Iушъом тхьаумафэ псау щагъакIо. Базэу «Шепси» зыфиIорэм зэзэгъыныгъэ дашIыгъэу, куп- купэу а зы уахътэм нэбгыри 120-рэ ащ зыщагъэпсэфы. Лагерым щызэрахьэрэ Iофтхьабзэхэр анахьэу зытегъэпсыхьагъэхэр кIэлэцIыкIухэм япсэуныгъэ гъэпытэгъэныр , ахэр спортым нахь пыщэгъэнхэр ары.
Зыгъэпсэфыгъо уахътэр аухынкIэ мэфитIу къэнагъэу лагерым къэкIуагъ АР- м и ЛIышъхьэ ипшъэрылъхэр зыгъэцакIэу КъумпIыл Мурат. Ар ошIэ- дэмышIэу къызэрэкIуагъэр кIэлэцIыкIухэми лагерэу «Лань» зыфиIорэми ипащэхэми агъэшIэгъуагъ.
КIумпIыл Мурат лагерым иIофш1эн дэгъоу ыгъэпсыгъэу ылъытагъ, кIэлэцIыкIумэ ягъэпсэфыгъо уахътэ зэрэзэхащэрэм уигъэрэзэнэу зэрэщытырэр къыIуагъ.
Непэ ехъулIэу республикэм икIэлэцIыкIу мин 14- м ехъумэ япсэуныгъэ мыщ щагъэпытагъ. Планым къыдилъытэрэм ар ипроцент 64- рэ ныIэп. ПстэумкIи нэбгырэ мин 21,7- мэ лагерым зыщагъэпсэфыщт. А гухэлъым пае бюджет ахъщэу сомэ миллиони 163-рэ Адыгеим къытIупщыгъ, 2010 илъэсым а пчъагъэр сомэ миллион 20- кIэ нахь мэкIагъ.
Детский омбудсмен посетил детские лагеря отдыха 
Адыгеим идепутат УФ-м и Къэралыгъо Думэ щыпхырыкIыгъ 
ЯщыIэкIэ-псэукIэ нахьышIу зэрашIыщтым тегущыIагъэх 
Язэпхыныгъэ агъэпытэщт 
Оборот розничной торговли в Адыгее превысил 39 млрд рублей