aif.ru counter
14

Зэпыу фэмыхъоу электроэнергиер къатын фае

Еженедельник "Аргументы и Факты" № 30. АиФ- АДЫГЕЯ 27/07/2011

Ар зэрищагъ АР-м и ЛIы­шъхьэ ипшъэрылъхэр зыгъэцэкIэрэ Къум­пIыл Муратэ. Зэхэсыгъом хэлэжьагъэх ведомствэ пстэуми япащэхэр.

Банкрот хъугъэ МУП-у «Мыекъопэ къэлэ элек­трическэ сетьхэр» зыфи­Iорэм непэ иIофхэм язытет ары анахь шъхьаIэу зытегущыIагъэхэр.

Аужырэ илъэсрэ ныкъорэм къыкIоцI электроэнергиеу Мыекъуапэ чIинагъэр процент 25-м нэсыгъ. Мыщ дэжьым къэIогъэн фае илъэс къэс Мыекъопэ электроэнергиеу щагэкIодырэм проценти 5- кIэ зыкъызэриIэтыгъэр.

Апэрэ илъэсныкъом къыкIоцI къэлэ электросетьхэм шапхъэхэм ашъхьэдэкIхэу элекросетьхэм процент 23,9-м нэсэу чIэнагъэ ышIыгъ, планхэм къыдалъытэщтыгъэр процент 16,7-рэ ары ныIэп,- къыIуагъ ООО-у «Мые­къопэ ТЭЦ-м» ипащэ экономикэмрэ финансхэмрэ- кIэ игуадзэу Евгений Кожура.

Мы уахътэм Iофыгъо шъхьаIэу яIэхэм Къум­пIыл Муратэ къакIэуп­чIагъ. Зыпари пэрыохъу афэмыхъоу ахэр игъом зэ­шIохыгъэ хъунхэмкIэ ежьхэри зэрадеIэщтхэр къы­Iуагъ, ащ фэгъэхьыгъэ уна­шъохэр къышIыгъэх.

Законым къыдилъытэрэм тетэу пшъэрылъэу мы лъэныкъомкIэ шъуи­Iэхэр нахь шIэхэу зэрэ­жъу­гъэцэкIэщтхэм шъупы­лъын фае, - къари­Iуагъ ащ къулыкъоу мы Iофым фэгъэзагъэхэм япащэхэм.

Зэпыу фэмы­хъоу къалэм электроэнергиер зэ­рэIэкIэхьащтыр зэкIэмэ анахь шъхьаI. Предприятиер экономикэ кризисэу зыхэтым къыхэщыжьыгъэным, элект­ро­энергиеу чIэнагъэ ­хъурэр нахь макIэ шIы­гъэным афэшI инвестициехэр хэлъхьэгъэн фаеу алъы­тагъ.

Смотрите также:

Оставить комментарий (0)

Также вам может быть интересно

Загрузка...

Топ 5 читаемых