«Радугэм» хэтэрыкIхэр къызщигъэкIыхэрэ чIыгу гектарих егъэфедэ.
Акционер обществэу «Радугэм» апчым хэшIыкIыгъэ фэбапIэхэу гектари 6-м тетхэм, нэшэбэгур, помидорыр, щыбжьыир къащегъэкIы. Ащ пае Голландием итехнологиякIэхэр агъэфедагъэх.
«Радугэм» бэмышIэу къызэIуихыгъэ комплексыкIэу зы чIыгу гектарым тетым амалэу IэкIэлъхэр ТхьакIущынэ Аслъан къыфаIотагъэх.
2010-рэ илъэсым итыгъэгъазэ къыщегъэжьагъэу 2011-рэ илъэсым ишышъхьэIу мазэ нэс ар ашIыгъ.Ащ сомэ миллион 78,6-рэ пэIуагъэхьагъ. Ащ нэшэбэгур ыкIи помидорыр джырэ лъэхъаным щагъэтIысыгъэх. Зы чIыгу гектарым телъытагъэу илъэсым къыкIоцI помидор тонн 500 фэдиз ыкIи нэшэбэгу тонни 150-рэ (илъэсым тIо) ащаугъоизэ ашIыщт.
Илъэсым къыкIоцI продукциеу къахьыжьырэр зэкIэмкIи тонн мини 2-м кIэхьащт. ХэтэрыкIхэм афэшъхьафэу, тыгъэгъазэм, коцым, нэмыкI культурэхэм, джащ фэдэу хьаIум якъэгъэкIын предприятиер дэлажьэ.
ХъызмэтшIапIэм мылъкоу халъхьэрэм зыкъигъэфедэжьэу ригъэжьагъ.
Зыгъэпсэфыгъо кампаниер рагъэжьагъ 
Программэхэр Адыгеим щагъэцакIэх 
КъумпIыл Мурат: «Проектхэр гъэцэкIэгъэнхэр пшъэрылъ шъхьаI» 
Джы лъэныкъуитIукIэ агъэфедэщт 
Программэр анахь дэгъоу зыгъэцэкIэрэ шъолъырхэм Адыгеир ащыщ