АР-м и ЛIышъхьэу, партием и Апшъэрэ совет хэтэу ТхьакIущынэ Аслъан Iофтхьабзэм зэфэхьысыжьэу фэхъугъэхэм осэшIу къафишIыгъ.
Зэхэсхыгъэми слъэгъугъэми сэ сшъхьэкIэ сагъэрэзагъ. ЦIыфхэм ягумэкIыгъохэр зэкIэри икъу фэдизэу къыщыхагъэщыгъэх ыкIи ахэр зэшIохыгъэ зэрэхъущт шIыкIэхэр къызэдыхахыгъэх. «Единэ Россием» илъэсыбэ хъугъэ политическэ пэщэныгъэр зиIыгъыр. ШъхьэкIэфэныгъэ къызэрилэжьыгъэхэм ащыщых социальнэ Iофыгъохэм язэшIохын фэгъэпсыгъэ проектыбэу къыIэкIэкIыгъэхэр,- къыIуагъТхьакIущынэ Аслъан.
Тиреспубликэ ыцIэкIэ мы зэфэсым хэлэжьагъэх партием и Апшъэрэ Совет хэтэу, Адыгеим и ЛIышъхьэу ТхьакIущынэ Аслъан, «Единэ Россием» и Генсовет хэтэу Къуекъо Эдуард, регион политсоветым исекретарэу, республикэ парламентым итхьаматэ игуадзэу Iэщэ Мухьамэд, регион политсоветым исекретарь иапэрэ гуадзэу, Адыгэ Республикэм и Премьер-министрэу КъумпIыл Мурат.
Зэфэсым ипрограммэ къыдыхэлъытагъэу мыщ фэдэ секцие шъхьаIэхэр зэхащэщтых - «Социальная политика - к новым стандартам», «Новая экономика», «Жилищно-коммунальное хозяйство: перспективы развития» зыфиIохэрэр ыкIи нэмыкIхэр. Iоныгъом и 25-м щыIэщт Медиафорумым Народнэ фронтым иобщественнэ организациехэм ялIыкIуабэ ыкIи партиехэм ахэмытхэр хэлэжьагъэх.
УФ-м и Правительст-вэ ипащэу Владимир Путиныр ащ къыщыгущыIэзэ тыгъэгъазэм и 4-м щыIэщт хэдзынхэм ахэлэжьэщт «Единэ Россием» ипартийнэ спискэ УФ-м и Президентэу Дмитрий Медведевым пэщэныгъэ дызэрихьанэу предложение къыхьыгъ.
Единороссхэм цыхьэу къыфашIыгъэм фэшI зэрафэразэр ыкIи а предложениер зэриштэрэр нэужым къэгущыIэгъэ Дмитрий Медведевым къыIуагъ. 2012-рэ илъэсым щыIэщт Президент хэдзынхэм ахэлэжьэнэу Владимир Путиным икандидатурэ къыгъэлъэгъуагъ, Iофтхьабзэм хэлэжьэгъэ пстэуми ащ дырагъэштагъ.
Хэдзынхэм ахэлэжьэщт кандидатхэр агъэнэфагъэх 
МэфэкIыр хагъэунэфыкIыгъ 
Пытагъэ хэлъэу къекIолIэщтых 
Лэжьыгъэ бэгъуагъэ къахьыжьыгъ 
Пшъэрылъ шъхьаIэхэр афигъэнэфагъэх