Примерное время чтения: 2 минуты
60

АР-м и ЛIышъхьэ Владимир Путиным зэIукIэгъу дыриIагъ

ЗэIукIэгъум анахьэу анаIэ зыщытырагъэтыгъэр спорт ыкIи социальнэ мэхьанэ зиIэ псэуалъэхэм яшIын ухыгъэныр ары.

НепэкIэ республикэм икъэлэ шъхьаIэу Мыекъуапэ стади­оным, есыпIэ бассейным, цIыф­хэм япсауныгъэ игъэпытэн фытегъэпсыхьэгъэ физкультурнэ комплексым яшIын ыкIэм щыфэкIо.

Ахэр зэкIэ джырэ уахътэм къыдилъытэрэ пшъэрылъхэм атегъэпсыхьагъэу щытых. Республикэм спортым хэхъоныгъэ щишIынымкIэ мэхьанэшхо зиIэ а псэуалъэхэр зэкIэ илъэсэу къихьащтым ыкIэм ехъулIэу атынхэ фае. Ахэм яшIынкIэ мылъкоу зы­щыкIэщтхэр федеральнэ гупчэм къаIэкIигъэхьащт, ащкIэ Владимир Путиным къыгъэгугъагъэх.

Адыгэ Республикэи и ЛIышъхьэ Урысые Федерацием и Правительствэ и Тхьаматэ къыфиIотагъ спортым ихэхъо­ныгъэкIэ республикэм щыкIорэ Iофым фэгъэхьыгъэу.

Социальнэ мэхьанэ зиIэ псэуалъэхэр - еджапIэхэмрэ кIэлэцIыкIу IыгъыпIэхэмрэ Адыгеим щыгъэпсыгъэнхэмкIэ ыкIи щызэтегъэпсы­хьажьы­гъэнхэмкIэ Iофхэм язытети мы зэIукIэгъум щытегущыIагъэх. Владимир Путиным хигъэунэ­фыкIыгъ производствэм проценти 5,8-кIэ зыкъызэриIэ­тыгъэр, зэхэубытагъэу Урысыер пштэмэ, ар анахьыбэ мэхъу.

- Адыгеим непэкIэ бэ ща­шIэрэр, спортым, анахьэу футболым хэхъоныгъэ ышIыным пае. Спорт псэуалъэхэм мылъкоу апэIуагъахьэрэм ылъэны­къокIэ Iофхэр нахьышIу шIы­гъэнхэр ищыкIэгъэ дэдэу щыт, амал зэриIэкIэ нахь псынкIэу ар зэпытчын фае. АщкIэ ищы­кIэгъэ лъапсэхэр зэкIэ щыIэх: игъом ыкIи икъоу мылъкур къытIэ­кIагъэхьащт, подрядчикхэм сицыхьэ телъ ащкIэ зи къызэратемынэщтым.

Тэ амалэу ящыкIагъэр ятэгъэгъо­ты, ежь спортсменхэми яте­кIоны­гъэхэмкIэ Адыгеим ис цIыфхэр зэкIэ агъэгушIощтых. Социальнэ мэхьанэ зиIэ псэолъэ заулэу зишIын аублагъэхэм сэ сшъхьэкIэ сынаIэ атет ыкIи ипIалъэм ахэр тыухыщтых, -зэIукIэгъум икIэуххэм къате­гущыIэзэ къыхигъэщыгъ республикэм и ЛIышъхьэ.

Смотрите также:

Оцените материал
Оставить комментарий (0)

Также вам может быть интересно

Топ 5 читаемых

Самое интересное в регионах