68

Адыгэ Республикэм и Лъэпкъ театрэм Цэй Ибрахьимэ ыцIэ фаусыгъ

Еженедельник "Аргументы и Факты" № 44. АиФ-АДЫГЕЯ 02/11/2011

Ащ ия 75-рэ илъэс IофшIэгъу ригъэжьагъ. Ащ фэгъэхьыгъэ зэхахьэм АР-м культурэмкIэ иминистрэу Чэмышъо Гъазый къыщыгущыIагъ.

Къэбар гушIуагъохэм Чэмышъо Гъазый ащигъэгъозагъэх. Адыгэ Республикэм и Правительствэ иунашъокIэ драматургэу, тхакIоу, Адыгэ театрэм изэхэщэн кIэщакIо фэхъугъэгъэ Цэй Ибрахьимэ ыцIэ Лъэпкъ театрэм фаусыгъ.

Пчыхьэ­зэхахьэм къыщыгущыIагъэх артистхэу Зыхьэ Заурбый, Кукэнэ Мурат, Урыс театрэм ипащэу Николай Иванченкэр, нэмыкIхэри. Чэмышъо Гъазый зэхахьэм хэлажьэ­хэрэр щигъэгъоза­гъэх ти ЛIышъ­хьэу Тхьа­кIу­щынэ Аслъан иуна­шъокIэ Урысыем изас­луженнэ артисткэу Бэрзэдж (Кушъу) Светланэ «Адыгэ Республикэм инароднэ артистк» зыфиIорэ щытхъуцIэр къызэрэфаусыгъэм. Артисткэм иIофшIэгъухэри, театрэр зикIа­сэ­хэу залым чIэсхэри фэгу­шIуагъэх.

Адыгэ Республикэм и Лъэпкъ театрэу Цэй Ибрахьимэ ыцIэ зы­хьы­рэм спектаклэу «КъокIас» зыфиIорэмкIэ илъэс IофшIэгъур ыублагъ. Драматургэу И. Цэим ипьесэ техыгъэ спектаклэр режиссерэу Хьакъуй Аслъан ыгъэуцугъ.

Спектаклэм тирайонхэм, IэкIыб хэгъэгумэ къарыкIыгъэхэри ашIо­гъэшIэгъонэу еплъыгъэх. Пчыхьэ­зэхахьэр адыгабзэкIэ зэрэкIуа­гъэри тигуапэу къыхэтэгъэщы. Урысыем изаслуженнэ артистэу, Адыгеим инароднэ артистэу Пэрэныкъо Чэтибэ иIофшIэгъухэр фэгушIуагъэх.

Смотрите также:

Оставить комментарий (0)

Также вам может быть интересно

Загрузка...

Топ 5 читаемых