23

Сбербанкым Правительствэм ипроектхэм адырегъаштэ

ЗэIукIэгъум хэлэжьагъэхэр цIыфхэм чIыфэхэр ятыгъэнхэм, япхыгъэ Iофы­гъохэм, Адыгеим бизнесым зыщыра­гъэушъомбгъун зэралъэкIыщтым, Урысыем и Сбербанк и Къыблэ-КъохьэпIэ банк и Адыгэ къутамэ ащ хэлэжьэн зэрилъэкIыщтым атегущыIагъэх.

Мыщ къызэрэщаIуагъэмкIэ, Сбербанкым чIыфэхэу бизнес цIыкIумрэ гурытымрэ афитIупщыщтыгъэхэм ахигъэхъощт. Унэ ращэфыным пае цIыфхэм чIыфэу аратырэм хагъэхъощт, Адыгэ Республикэм иминистрэхэм я Кабинет ипроект пстэумэ ягъэцэкIэн пае мылъку къыхагъэкIыщт.

- Урысыем и Сбербанк уицыхьэ зытебгъэлъы хъущт гъусэшIоу тэлъытэ, гъэхъагъэ хэлъэу Адыгэ Республикэм ащ иIофшIэн щызэхещэ. Мы охътэ благъэм проект гъэнэфагъэхэм шIуагъэ къызэратыщтым, чIыфэт организациехэм ащ яIахьышIу зэрэхашIыхьащтым тицыхьэ телъ, - хигъэунэфыкIыгъ ТхьакIущынэ Аслъан.

ЦIыфхэм чIыфэхэр ятыгъэным ыкIи Адыгеим икорпоративнэ клиентхэм Сбербанкым иIахьэу ахэлъыр непэ процент 60-м ехъу. Процент 15-кIэ джыри ащ зыкъыригъэIэтынэу пэщакIэм гухэлъ иI.

Николай Бариновым къызэ­риIуагъэмкIэ, Урысыем и Сбербанк и Къыблэ-КъохьэпIэ банк и Адыгэ къутамэ проектыкIэхэм ахэгъэхъогъэным инвестициехэр хилъхьанэу рехъухьэ.

Къыхэгъэщыгъэн фае: мэзищ хъугъэ Николай Бариновым Урысыем и Сбербанк и Къыблэ-Къо­хьэпIэ банк и Адыгэ къутамэ пэщэны­гъэ зыдызэрихьэрэр. Ащ ыпэкIэ илъэс 20-м ехъурэ Москва икоммерческэ банк­хэм ащ Iоф ащишIагъ.

Смотрите также:

Оставить комментарий (0)

Также вам может быть интересно

Загрузка...

Топ 5 читаемых