Хэдзын Гупчэм и ГъэцэкIэкIо Комитет къызэритырэм елъытыгъэу, Адыгеим щыкIощт хэдзынхэм ахэлэжьэнхэ алъэкIыщт партиехэу - «Единая Россия», «КПРФ», «ЛДПР» зыфиIохэрэр.
Мы мафэм хэдзыпIэ участкэ 263-у Iоф зышIэщтхэр Iофтхьабзэм зэрэфэхьазырхэр Гупчэ комиссием ыуплъэкIугъ. Ащ дакIоу цIыфхэр къызэкIолIэщтхэ чIыпIэхэр мэшIогъэкIосэным, щынэгъончъагъэм яшапхъэхэм зэрадиштэхэрэр ащ фэгъэзэгъэ структурэхэм агъэунэфыгъ.
Адыгеим щыпсэурэ нэбгырэ мин 335-м ехъум хэдзынхэм ахэлэжьэнхэ амал яIэщт. Ахэм ащыщэу нэбгырэ мин 37-м ехъум сэкъатныгъэ яI. Хэдзынхэм ахэлэжьэрэ пстэуми яфитыныгъэхэр къэухъумэгъэнхэр пшъэрылъ шъхьаIэу зэрэщытыр Ю.Хъутым къыIуагъ.
ЦIыфхэм якъэухъумэн
Хэдзынхэр рэхьатэу, законым диштэу зэрэзэхэщэнхэм пае ащ хэлэжьэрэ партиехэм ялIыкIохэр хэдзын коммисиехэм ахэтыщтых, Iофтхьабзэр зэрэрекIокIырэм ахэр лъыплъэщтых. ХэдзыпIэ участкэ пэпчъ къулыкъушIэ заулэмэ Iоф ащашIэщт.
Хэдзынхэу къэблагъэхэрэм мэхьанэшхо зэряIэр ТхьакIущынэ Аслъан къыхигъэщызэ, ащ изэхэщэнкIэ къэуцурэ гумэкIыгъохэр, щыкIагъэхэр псынкIэу дэгъэзыжьыгъэнхэ, зэрифэшъуашэу хэдзын кампаниер Адыгеим щызэхэщэгъэн зэрэфаер къыIуагъ. Зэхэсыгъом хэлэжьагъэхэм ащыщхэм пшъэрылъ гъэнэфагъэхэр афишIыгъэх.
ГумэкIыгъохэм апэшIуекIогъэным Адыгеир фэхьазыр 
В Майкопе после снегопадов ухудшилось качество воды 
Хэдзынхэм языфэгъэхьазырын 
АР-м и ЛIышъхьэ республикэ стадионым IофшIэнхэр зэрэщыкIохэрэр ыуплъэкIугъ 
Из кранов жителей Адыгеи течёт грязная вода (22.01.2014)