Iофтхьабзэм хэлэжьагъ Адыгэ Республикэм и ЛIышъхьэу ТхьакIущынэ Аслъан.
Субъектхэм хэдзынхэу къэблагъэхэрэм зызэрафагъэхьазырырэм, общественнэ-политическэ Iофхэм язытет, коррупцием пэшIуекIорэ программэр гъэцэкIагъэ зэрэхъурэм конференцием хэлэжьагъэхэр атегущыIагъэх.
Субъектхэм япащэхэр Iофхэм язытет кIэкIэу къытегущыIагъэх, хэдзынхэр къэсынхэкIэ къэнэгъэ уахътэм Iоф зыдашIэн фаехэмкIэ яеплъыкIэхэр къыраIотыкIыгъэх.
ЗэкIэ пащэхэм къызэраIуагъэмкIэ, пстэури фэхьазыр, щыкIагъэу къэнагъэхэр мы мафэхэм дагъэзыжьых. ЦIыфхэм ящынэгъончъагъэ нахьыбэу анаIэ тырагъэтын зэрэфаем Владимир Устиновым къыкIигъэтхъыгъ, нэмыкIэу зыдэлэжьэщтхэри къыхигъэщыгъэх.
Коррупцием пэшIуекIогъэным фэгъэхьыгъэ программэр гъэцэкIагъэ зэрэхъурэм къытегущыIэзэ, шIагъэхэм анахьэу щыкIагъэхэм нахь къащыуцугъ, субъект пэпчъ икъоу зыдэмылэжьагъэхэр къыхигъэщыгъэх.
АР-м и ЛIышъхьэ къызэриIуагъэмкIэ, хэдзынхэр щынэгъончъэу кIонхэм пае цIыфым гъучIым хэшIыкIыгъэ пкъыгъо хэлъымэ зыгъэунэфырэ оборудованиехэр зэрагъэуIугъэх.
В Адыгее с начала 2011 года ущерб от коррупционных преступлений составил почти 1,5 млн рублей 
Коррупция появляется там, где отсутствует контроль 
Адыгеим апэрэ чIыпIэр ыубытыгъ 
Гъогум ущысакъын фае 
Пшъэрылъ шъхьаIэхэр афигъэнэфагъэх