aif.ru counter
24

Адыгеим идепутат УФ-м и Къэралыгъо Думэ щыпхырыкIыгъ

ПэшIорыгъэшъэу къызэралъытагъэмкIэ, хэдзынхэм текIоныгъэр къащыдихыгъ Всероссийскэ политикэ партиеу «ЕДИНЭ РОССИЕМ» и Адыгэ республикэ къутамэ.

Партиехэм афаты­гъэ мэкъэ пчъагъэм къызэри­гъэлъа­гъорэмкIэ, республикэм исхэу «Еди­нэ Россием» дезыгъаштэхэрэм ацIэкIэ кандидатищым щыщэу зыр Урысые Федерацием и Къэралыгъо Думэ щыпхырыкIыщт.

Адыгэ Республикэм хэдзын­хэм­кIэ и Гупчэ комиссие и Тхьаматэ къызэритыгъэмкIэ, республикэм щы­псэурэмэ япроцент 65,8-р (нэбгырэ мин 224-м ехъур) голосованием хэлэжьагъ.

Республикэм икъалэхэмрэ ирайонхэмрэ пштэхэмэ, хэдзынхэм ахэлэжьагъэхэм япчъагъэ спискэхэм ахатхэгъагъэхэм азыныкъом къезымыгъэхъугъэ къа­хэкIыгъэп. Пстэуми анахьыбэу хэдзыпIэ чIыпIэхэм зыщякIолIа­гъэхэр Шэуджэн районыр ары - хэдзакIохэм япроцент 95,90-рэ.

Ащ къыкIэлъэкIо процент 85,44-м нэзыгъэсыгъэ Кощхьэблэ районыр. Мыекъопэ районыр зэкIэми анахь макI - процент 57,88-рэ.

Политикэ партиехэм апае Адыгеим ихэдзакIохэм атыгъэ мэкъэ пчъагъэр :- Урысые политикэ партиеу «Единая Россия» зыфиIорэм - процент 61-рэ, - политикэ партиеу «Справедливая Россия» зыфиIорэм пае - проценти 8,4-рэ, политикэ партиеу «ЛДПР»-м - проценти 7,7-рэ, политикэ партиеу «Патриоты России» зыфиIо- рэм - процент 0,9-рэ, - политикэ партиеу «КПРФ»-м - процент 18,2-рэ, политикэ партиеу «Яблоком» - процент 1,7-рэ.

Адыгэ Республикэм и ЛIышъхьэу ТхьакIущынэ Аслъан Адыгэ Республикэм хэдзынхэмкIэ и Гупчэ комиссие и Тхьаматэу Хъут Юрэ IукIагъ. 

Хъут Юрэ зэрэхигъэунэ­фыкIыгъэмкIэ, Адыгеим хэдзынхэр тэрэзэу щыкIуагъэкIэ алъытагъ, рес­публикэм хэдзынхэмкIэ и Гупчэ комиссие хэтхэм язекIуакIэ фэ­гъэхьыгъэу Урысыем хэдзынхэмкIэ и Гупчэ комиссие тхьаусыхэхэр къыIукIагъэхэп.

 

Смотрите также:

Оставить комментарий (0)

Также вам может быть интересно

Загрузка...

Топ 5 читаемых