Ащ Адыгэ Республикэм и ЛIышъхьэу ТхьакIущынэ Аслъан, къош республикэхэм къарыкIыгъэхэр къыщыгущыIагъэх.Купым иартистхэм афэгушIуагъэх, щытхъу тхылъхэр аратыжьыгъэх.
Тиреспубликэ и ЛIышъхьэ ирэзэныгъэ тхылъхэр ансамблэу «Налмэсым», купым ихудожественнэ пащэу Къулэ Мыхьамэтрэ ансамблэм идиректорэу Бэстэ Азмэтрэ афигъэшъошагъэх.
«Адыгэ Республикэм инароднэ артистк» зыфиIорэ щытхъуцIэр къэзыушыхьатырэ тхылъхэр Бэстэ Тыгъэнгуащэрэ ансамблэм икъэшъуакIоу Дыгъу Иринэрэ аритыжьыгъэх. Оркестрэм хэтэу Цэй Аслъан «АР-м изаслуженнэ артист» зыфиIорэ цIэр фиусыгъ.
ТхьакIущынэ Аслъан «Налмэсым» игъэхъагъэхэр IэкIыб хэгъэгумэ зэращашIэрэм къытегущыIагъ. Урысыем иIэшъхьэтетхэр зэплъыхэрэ концерт хэхыгъэхэм «Налмэсыр» арагъэблагъэу бэрэ къызэрэхэкIырэм уасэ фишIыгъ.
Къэбэртэе-Бэлъкъарымрэ Темыр Осетиемрэ ялIыкIохэр юбилей зэхахьэм къыщыгущыIагъэх.ЗэIукIэм лъэпкъ искусствэм ехьылIэгъэ къэбархэр къыщаIотагъэх.
Тарихъым инэкIубгъохэм зэрахэтымкIэ, 1936-рэ илъэсым «Налмэсыр» зэхащагъ.Налмэсыр» нахь цIэрыIо хъуным фэшI Адыгэ хэкум ипащэхэм Iофыгъуабэ агъэцакIэщтыгъ.
ЩытхъуцIэу «Академический» зыфиIорэр «Налмэсым» къыфаусыгъ. Адыгэ Республикэм икъэралыгъо гъэпсыкIэ игъэпытэн, лъэпкъ культурэмрэ искусствэмрэ цIыфхэм алъыгъэIэсыгъэнхэм иIахьышIу зэрэхишIыхьэрэм афэшI медалэу «Адыгеим и Щытхъузехьэр» къыфагъэшъошагъ.
Аужырэ илъэсхэм «Налмэсыр» Тыркуем, Италием, тилъэпкъэгъухэр зыщыпсэурэ нэмыкI хэгъэгухэм ащыIагъ.
АР-м и МВД имэфэкI хигъэунэфыкIыгъ 
Мыекъопэ пивэшI заводым имэфэкI хигъэунэфыкIыгъ 
Удар по кошельку. Сколько стоит собрать ребёнка в школу в Майкопе 
Во сколько обойдутся сборы в школу в Адыгее? 
Адыгеим и ЛIышъхьэ видеоконференцием хэлэжьагъ