ЩынэгъончъэнымкIэ Советэу АР-м и ЛIышъхьэ дэжь щызэхащагъэмрэ правопорядкэмкIэ координационнэ Советымрэ мэзаем и 1-м зэхэсыгъо зэдыряIагъ. Зэхахьэр къызэIуихыгъ ыкIи ащ тхьамэтагъор щызэрихьагъ АР-м и ЛIышъхьэу ТхьакIущынэ Аслъан.
Зэхэсыгъом хэлэжьагъэх АР-м ипрокурор шъхьаIэу Василий Пословскэр, хэгъэгу кIоцI IофхэмкIэ министрэу Александр Речицкэр, лъэпкъ IофхэмкIэ, IэкIыб къэралыгъохэм ащыпсэурэ тилъэп- къэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ Комитетым ипащэу Шъхьэлэхъо Аскэр ыкIи нэмыкIхэри.
БзэджэшIагъэхэм апэшIуекIогъэнымкIэ, щынэгъончъагъэ ыкIи правопорядкэ Адыгеим илъынымкIэ хэбзэ гъэцэкIэкIо, чIыпIэ зыгъэIорышIэжьыпIэ ыкIи правэухъумэкIо органхэм Iофэу зэдашIагъэр зэфахьысыжьыгъ, ащ шIуагъэу къытыгъэм, джыри гумэкIыгъоу щыIэхэм зэдатегущыIагъэх.
Республикэм бзэджэшIагъэу щызэрахьагъэм ипчъагъэ проценти 2-м ехъукIэ нахь макIэ хъугъэ, бзэджэшIэгъэ хьылъэхэми япчъагъэ къыщыкIагъ, бзэджэшIагъэр зезыхьагъэхэр нахьыбэу къычIагъэщыхэ хъугъэ. Арэу щытми, джыри Iоф зыдэпшIэн фаеу щыIэхэми къатегущыIaгъэх.
ТхьакIущынэ Аслъан бзэджэшIагъэу зэрахьэхэрэр нахь макIэ хъугъэми, пчъагъэу джыри къатыхэрэм уагъэгумэкIынэу зэрэщытыр правэухъумэкIо органхэм зафигъазэзэ къыхигъэщыгъ.
АР-м и МВД имэфэкI хигъэунэфыкIыгъ 
Республикэр нахь къабзэу къыхахыгъ 
В Майкопе состоится ярмарка выходного дня (12.12.2013) 
В Майкопе пройдут ярмарки выходного дня (10.04.2014) 
В Майкопе состоится ярмарка выходного дня (28.03.2013)