Примерное время чтения: 2 минуты
79

АР-м и ЛIышъхьэ наградэхэр къаритыжьыгъэх (16.03.2012)

Фото: пресс-служба главы Адыгеи

- Къэралыгъо наградэр къыуатыныр гуапэу щыт. Адыгеим исоциальнэ-экономикэм, мэкъумэщым, культурэм, спортым ыкIи нэмыкI лъэныкъохэм язегъэушъомбгъун зиIахь хэзышIыхьыгъэ пстэуми ар ягъэхъагъэу щыт, - къыIуагъ ТхьакIущынэ Аслъан.

УФ-м и Президент иунашъокIэ орденэу «За заслуги перед Отечеством» зы­­фиIорэм иятIонэрэ степень зиIэм имедаль къыфагъэшъошагъ АР-м хэдзынхэмкIэ игупчэ комиссие итхьаматэ игуадзэу Фанюс Казыхановым.

АР-м и ЛIышъхьэ иунашъо­кIэ медалэу «Адыгеим и Щытхъузехь» зыфиIорэр афагъэшъошагъ IофшIэным иветеранхэу Лафышъэ Мурадинрэ, Хъунэго Ахьмэдрэ, Адыгэкъалэ гупчэ сымэджэщ ­иврач шъхьаIэ игуадзэу ПчыхьалIыкъо Симэ ыкIи ОАО-у «Кубаньэнерго» зыфи­Iо­рэм икъутамэу Краснодар щыIэм ипащэу Нэтхъо Инвер.

ЩытхъуцIэу АР-м наукэмкIэ изаслуженнэ IофышIэшху зифиIорэр къыфагъэшъошагъ докторэу профессорэу, Къэралыгъо Совет –Хасэм ыкIи гъэсэныгъэмкэ, СМИ-мкIэ, ныбжьыкIэхэм яIофшIэн итхьаматэу  КIэращэ Анзор.

ЩытхъуцIэу АР-м иапшъэрэ изаслуженнэ IофышI зыфиIорэр фагъэшъошагъ филологие шIэныгъэмкIэ кандидатэу АКъУм –м икафедрэ идоцентэу Александра Бараниковам. ЩытхъуцIэу АР-м мэкъумэщымкIэ изаслуженнэ IофышI зифиIорэ фагъэшъошагъ Шэуджэн районымкIэ ООО Премиум зыфиIорэм иагрономэу  Къохъужъ Гъумэр .

ЩытхъуцIэр къызфагъэшъошагъэхэм ащыщых Къэбэртэе-Бэлъкъар Республикэм иэстраднэ орэдыIоу Хьажырэ­къо Сул­тIан, IофшIэным иветеранэу, ­Урысыем ижурналистхэм я Союз хэтэу Шъэуап­цIэкъо Нурыет, АР-м туризмэмрэ ку­рортхэмрэкIэ и Комитет иотдел ипа- щэу Генрих Дерзиян ыкIи  нэ­мыкIхэр.

Смотрите также:

Оцените материал
Оставить комментарий (0)

Также вам может быть интересно

Топ 5 читаемых

Самое интересное в регионах