Майкоп, 24 сентября – АиФ-Адыгея. Адыгеим мы илъэсым ыкIэм нэс лъэIу тхылъхэр зыщаштэщтхэ ыкIи универсальнэ электроннэ картэхэр къызщаратыщтхэ пункти 5 къыщызэIуахынэу ары. Ахэр адэтыщтых къалэу Мыекъуапэ, къуаджэу Тэхъутэмыкъуае, поселкэхэу Инэм, Яблоновскэм ыкIи Тульскэм.
ЦIыфхэм ящыIакIэ нахьышIу шIыгъэнымкIэ ыкIи предприниматель IофшIэныр зэхэщэгъэным пае ящыкIэгъэ амалхэр ягъэгъотыгъэнхэмкIэ къэбар зэлъыгъэIэс шIыкIэхэр гъэфедэгъэнхэм фэгъэхьыгъэу Урысые Федерацием и Правительствэ икомиссие иапэрэ зэхэсыгъоу Урысыем и Правительствэ и Тхьаматэу Дмитрий Медведевым шъолъырхэм яIэшъхьэтетхэм афызэхищэгъагъэм икIэуххэм къапкъырыкIызэ журналистхэм къариIуагъ Адыгеим и ЛIышъхьэу ТхьакIущынэ Аслъан.
Адыгеим ыцIэкIэ видеоконференцием иIофшIэн хэлэжьагъэх Адыгэ Республикэм и Премьер-министрэ игуадзэу Владимир Петровыр, Адыгэ Республикэм информатизациемкIэ и ГъэIорышIапIэ ипащэу Нэпсэу Индар, Адыгэ Республикэм предпринимательхэм яфитыныгъэхэр къэухъумэгъэнхэмкIэ Уполномоченнэу щыIэ Зэфэс Владислав, потребителым ифитыныгъэхэм якъэухъумэн зэрэкIорэм лъыплъэгъэнымкIэ федеральнэ къулыкъум и ГъэIорышIапIэу республикэм щыIэм ипащэу Сергей Завгороднэр.
ЦIыфхэр къэралыгъо ыкIи муниципальнэ фэIо-фашIэхэм нахь агъэразэхэу шIыгъэнхэмкIэ ыкIи электроннэ шIыкIэм тетэу ащ фэдэ фэIо-фашIэхэр аIэкIэгъэхьэгъэнхэмкIэ пстэуми апэу зэшIохыгъэн фэе Iофтхьабзэхэм Дмитрий Медведевым республикэм ипащэхэм анаIэ тыраригъэдзагъ.
Адыгэ Республикэм и ЛIышъхьэ и пресс-къулыкъу къызэритырэмкIэ, зэхэсыгъом джащ фэдэу щахэплъагъэх Урысые Федерацием игражданинэу зэрэщытыр къэзыушыхьатырэ тхылъым электроннэ шIыкIэм тетэу къэбарыр игъусэ шIыгъэным япхыгъэ Iофыгъохэм, универсальнэ электроннэ картэкIэ заджэхэрэм иинфраструктурэ а гухэлъхэм апае гъэфедэгъэнымкIэ амалэу щыIэхэм. ЦIыфхэм ящыIакIэ нахьышIу шIыгъэным ыкIи предприниматель IофшIэныр нахь тэрэзэу зэхэщэгъэным апае къэбар зэлъыгъэIэс шIыкIэхэм ягъэфедэнкIэ Правительствэ комиссием икъулыкъухэм афэгъэхьыгъэ положениемрэ ахэм ахэтыщтхэмрэ атегущыIагъэх.
АдыгеимкIэ ащ фэдэ картэхэм якъыдэгъэкIын, ятын ыкIи яфэIо-фашIэхэм ягъэцэкIэн фэгъэзагъэр къэралыгъо ыкIи муниципальнэ фэIо-фашIэхэр афэгъэцэкIэгъэнхэмкIэ гупчэу къалэу Мыекъуапэ дэтыр ары. ДжырэкIэ мыщ а Iофтхьабзэхэр щызэшIуахыщтых, джащ фэдэу ОАО-у "Сбербанкым" икъутами щаштэщтых лъэIу тхылъхэр ыкIи къащаратыщтых универсальнэ къартэхэр. НепэкIэ цIыфхэм лъэIу тхылъ 320-рэ къатыгъ ащ фэдэ картэхэр аратыхэмэ ашIоигъоу, 58-р ащ фэдэ картэхэм афаехэп, карти 140-рэ аратыгъах.
Республикэм ифэныкъоныгъэхэм къапкъырыкIыхэзэ универсальнэ электроннэ картэ мини 10 фэдиз илъэсэу къихьащтым къыдагъэкIыщт, 2015-рэ илъэсым - мин 14, 2016-рэ илъэсым - мин 19.
Адыгеим хэдзынхэм атегъэпсыхьэгъэ Iофтхьэбзи 7 щызэрахьанэу рахъухьэ 
АР-м и ЛIышъхьэу ТхьакIущынэ Аслъан афэтхьаусыхагъ 
Адыгеим и ЛIышъхьэ Адыгэ Хасэм итхьаматэу Бэгъушъэ Адам ригъэблэгъагъ 
Рашид Темрезовыр Адыгеим къэкIуагъ 
АР-м и ЛIышъхьэ пIэлъэ кIэкIыкIэ зигъэпсэфынэу кIуагъэ
Правила комментирования
Эти несложные правила помогут Вам получать удовольствие от общения на нашем сайте!
Для того, чтобы посещение нашего сайта и впредь оставалось для Вас приятным, просим неукоснительно соблюдать правила для комментариев:
Сообщение не должно содержать более 2500 знаков (с пробелами)
Языком общения на сайте АиФ является русский язык. В обсуждении Вы можете использовать другие языки, только если уверены, что читатели смогут Вас правильно понять.
В комментариях запрещаются выражения, содержащие ненормативную лексику, унижающие человеческое достоинство, разжигающие межнациональную рознь.
Запрещаются спам, а также реклама любых товаров и услуг, иных ресурсов, СМИ или событий, не относящихся к контексту обсуждения статьи.
Не приветствуются сообщения, не относящиеся к содержанию статьи или к контексту обсуждения.
Давайте будем уважать друг друга и сайт, на который Вы и другие читатели приходят пообщаться и высказать свои мысли. Администрация сайта оставляет за собой право удалять комментарии или часть комментариев, если они не соответствуют данным требованиям.
Редакция оставляет за собой право публикации отдельных комментариев в бумажной версии издания или в виде отдельной статьи на сайте www.aif.ru.
Если у Вас есть вопрос или предложение, отправьте сообщение для администрации сайта.
Закрыть