12

Адыгеим и ЛIышъхьэ фэгушIуагъ

Майкоп, 17 июля - АиФ-Адыгея.

Адыгэ Республикэм и ЛIышъхьэу КъумпIыл Мурат тыгъуасэ станицэу Джаджэм зыщэIэм Урысые зэнэкъокъоу «Эколята» зыфиIорэм илауреат зэрэхъугъэр къэзыушыхьатырэ Дипломыр ритыжьыгъ илъэси 7 зыныбжь Рамин Егоровым – кIэлэцIыкIу IыгъыпIэу «Радугэм» чIэсым.Iофтхьабзэм хэлэжьагъэх Адыгеим и Къэралыгъо Совет – Хасэм и Тхьаматэу Владимир Нарожнэр, АР-м гъэсэныгъэмрэ шIэныгъэмрэкIэ иминистрэу КIэрэщэ Анзаур, Джэджэ районым иадминистрацие ипащэу Андрей Таранухиныр.

КIэлэцIыкIу сурэтхэм язэнэкъокъоу «Эколятэхэр — чIыопсым иныбджэгъух ыкIи иухъумакIох» зыфиIорэм икIэщакIох УФ-м ФедерациемкIэ и Совет ипрофильнэ Комитетхэр, чIыопсым икъэухъумэнкIэ ыкIи игъэфедэнкIэ федеральнэ ведомствэхэр.

Рамин Егоровым зэнэкъокъум хэлэжьэнэу зыщыригъэжьагъэр кIэлэцIыкIу IыгъыпIэр ары. Мы гъэсэныгъэм иучреждение проект зэфэшъхьафхэм, ахэм ащыщых экологием епхыгъэхэри, ахэлажьэ. Нэужым кIэлэцIыкIур районым, ащ къыкIэлъыкIоу республикэм ащатекIуагъ. Федеральнэ уцугъэм ижюри экологием иухъумэкIо ныбжьыкIэ иIофшIагъэ осэшIу фишIыгъ. Ащ исурэт къыщигъэлъэгъуагъ мэзыр ыкIи чIыопсыр къэзыухъумэрэ эколятэхэр.

Республикэм ипащэ лауреатым Дипломыр ыкIи къэгъагъэхэр ритыгъэх, еджэным, творчествэм ыкIи спортым гъэхъэгъэшIухэр ащишIынхэу фэлъэIуагъ.

КъумпIыл Мурат АР-м гъэсэныгъэмрэ шIэныгъэмрэкIэ и Министерствэ пшъэрылъ фишIыгъ Рамин Егоровым Iоф дэзышIэгъэ кIэлэпIур зэрифэшъуашэу къыхагъэщынэу.

Оставить комментарий (0)
Загрузка...

Топ 5 читаемых

Самое интересное в регионах