38

Адыгеим и ЛIышъхьэ видеоконференцием хэлэжьагъ

Урысые Федерацием и Президентэу Владимир Путиным пшъэрылъ къызэрэфишIыгъэм тетэу Урысые Федерацием и Президент и Полномочнэ лIыкIоу Къыблэ федеральнэ шъолъырым щыIэ Владимир Устиновым шъолъырхэм япащэхэр зыхэлэжьэгъэ видеоконференциер тыгъуасэ зэрищагъ.

Къыблэ федеральнэ шъолъырым исубъект зэфэшъхьафхэм ащыпсэухэрэм ащыщхэр зыгъэгумэкIырэ Iофыгъохэм ащ щахэплъагъэх.

Джэджэ районымкIэ станицэу Келермесскэм щыщ бзылъфыгъэр станицэм дэт кIэлэцIыкIу IыгъыпIэу N 6-м игъэкIэжьынрэ газыр ащ ещэлIэгъэнымрэ яIоф рыкIорэм къыкIэупчIагъ.

Адыгеим и ЛIышъхьэу КъумпIыл Мурат мы Iофыгъом изэшIохынкIэ ашIэхэрэм афэгъэхьыгъэу Урысыем и Президент и Полномочнэ лIыкIоу Къыблэ федеральнэ шъолъырым щыIэм къыфиIотагъ, къэзытхырэр Адыгэ Республикэм и ЛIышъхьэ ипресс-къулыкъу.

«КIэлэцIыкIу IыгъыпIэм икотельнэ игъэкIэжьын ыкIи газкIэ ащ Iоф ышIэным пае сомэ мин 600 бюджетым къыхагъэкIыгъ, проект-сметэ документациер агъэхьазырыгъ, котелхэр, IугъоикIыпIэхэр, насосхэр къащэфыгъэх. Унэхэм ягъэплъын рамыгъажьэзэ котельнэм игъэкIэжьын аухыщт, гъэстыныпхъэ пытэм ычIыпIэкIэ газкIэ ащ Iоф ышIэ хъущт», —къыIуагъ Адыгеим и ЛIышъхьэ.

КъумпIыл Мурат джащ фэдэу зэрэхигъэунэфыкIыгъэмкIэ, республикэм икIэлэцIыкIу IыгъыпIэхэм ягъэплъынкIэ Iофхэм язытет зэхафыгъ. КIэлэцIыкIу IыгъыпIи 9-мэ якотельнэхэм гъэстыныпхъэ пытэкIэ Iоф ашIэщтыгъэмэ, мы охътэ благъэм ахэм ащыщэу 5-мэ газкIэ Iоф ашIэ хъущт.

Смотрите также:

Оставить комментарий (0)

Также вам может быть интересно

Загрузка...

Топ 5 читаемых