aif.ru counter
39

АР-м и ЛIышъхьэ конференцием хэлажьэхэрэм аIукIагъ

Адыгэ Республикэм и ЛIышъхьэу ТхьакIущынэ Аслъан дунэе научнэ конференциеу «Богослужебные практики и культовые искусства в политэтническом регионе» зыфиIорэм хэлажьэхэрэм аIукIагъ. Урысые научнэ фондым иIэпыIэгъукIэ Iофтхьабзэр Iо­ныгъом и 19 - 21-м Адыгэ къэралыгъо университетым щы­рагъэкIокIы.

Дунэе конфессие шъхьаIэхэм ятхьэлъэIу шIыкIэ ыкIи якультовэ искусствэ, цIыфхэм шIошъхъуныгъэу ахэлъхэм япхыгъэ Iофыгъохэм конференцием хэлажьэхэрэр атегущыIэщтых. Iофтхьабзэм хэлажьэх Абхъазым, Белоруссием, Германием, Грузием, Италием, Молдовэм, Румынием, Францием ыкIи Урысыем ишъолъыр зэфэшъхьафхэм къарыкIыгъэхэ богословхэр, искусствоведхэр, тарихълэжьхэр, культурологхэр, философхэр, этнографхэр. АР-м и ЛIышъхьэ дэжь къе­блэгъагъэх Адыгэ къэралыгъо университетым иректорэу Хъунэго Рэщыдэ, богословиемкIэ докторэу, искусствэхэмкIэ док­торэу, профессорэу, аббатэу Бернард, тарихъ шIэныгъэхэмкIэ кандидатэу, гуманитар ушэ­тынхэмкIэ Абхъаз институтым инаучнэ IофышIэу Руслан Барцыц, протодиаконэу Александр Кедровыр. АР-м и ЛIышъхьэ хьакIэхэм шIуфэс гущыIэхэмкIэ зафигъа­зэзэ, лъэпкъ ыкIи дин­ зэ­гу­ры­­Iоныгъэр гъэпытэгъэным фэшI мыщ фэдэ научнэ конференциехэм язэхэщэн мэхьа­нэшхо зэриIэр къыхигъэщыгъ.

- Узэкъотын, мамырэу ыкIи узэгурыIоу упсэун зэрэфаер динхэм зэкIэми къаIо. Ащ къы­хэкIыкIэ лъэныкъо зэфэшъхьаф­хэм Iоф ащызышIэрэ шIэны­гъэлэжьхэр зэдэгущыIэнхэм, творческэ ыкIи научнэ зэпхы­ныгъэхэр гъэпытэгъэнхэм мэхьанэшхо иI. Лъэпкъ ыкIи дин зэгурыIоныгъэ зэрылъ Адыгеим мыщ фэдэ Iофтхьабзэхэр щызэхэпщэнхэмкIэ чIыпIэ анахь дэгъоу сэлъытэ, - къы­Iуагъ ТхьакIущынэ Аслъан.

АР-м и ЛIышъхьэ игущыIэхэм къэзэрэугъоигъэхэми дырагъэштагъ.

Дин зэфэшъхьафхэм язэпхыныгъэ гъэпытэгъэ­ным, цIыф лъэпкъхэр зэгуры­Iохэу псэунхэр пшъэрылъ шъхьа­Iэу зэрэщытыр къэгу­щыIагъэхэм къыхагъэщыгъ.Конференцием доклади 100 фэдиз къыщашIыщт, ахэм ащыщэу 60 фэдизыр къыхаутыщт.

Ащ фэдэ апэрэ тхылъэу къы­дагъэкIыгъэр АР-м и ЛIышъхьэу ТхьакIущынэ Аслъан шIухьаф­тынэу ратыгъ.

Смотрите также:

Оставить комментарий (0)

Также вам может быть интересно

Загрузка...

Топ 5 читаемых

Самое интересное в регионах