Адыгеим и ЛIышъхьэу КъумпIыл Муратрэ Адыгеим инароднэ сурэтышIэу Еутых Асерэ авторскэ проектэу «Золотая кладовая» зыфиIорэм тегущыIагъэх.
Мыекъуапэ икъэлэ парк щагъэпсы «Дышъэ гъэтIылъыпIэ». А авторскэ проектыр художествэхэмкIэ Урысые академием ичленэу, Урысыем исурэтышIхэм я Союз хэтэу, зиюбилей бэмышIэу хэзыгъэунэфыкIыгъэ Еутых Асе ышIыщт.
АР-м и ЛIышъхьэ тыгъуасэ щыIагъ зыфэдэ къэмыхъугъэ ювелир IэпэIасэм дэжь, имэфэкIкIэ Асе фэгушIуагъ ыкIи тапэкIэ творческэ гухэлъэу иIэхэм защигъэгъозагъ.
— Зэрэреспубликэу огъэгушхо. УиIэшIагъэхэмкIэ Адыгеир тыди щызэлъашIэ хъугъэ. Ахэм хэгъэгум имузей шъхьаIэхэр агъэдахэх ыкIи искусствэм уасэ фэзышIыхэрэм яунэе коллекциехэм ахэлъых. О уигъэхъагъэхэр — зэрэреспубликэу, цIыфхэм зэкIэми ягъэхъагъэх. Еутых Асе иIофшIагъэ пэпчъ Адыгеим итарихъ, ащ икъежьапIэхэм тафещэ, мэхьанэшхо яI. КIуачIэу, фэбагъэу пхэлъыр умыгъэшIэгъон плъэкIырэп, — къыIуагъ КъумпIыл Мурат.
«Дышъэ гъэтIылъыпI» зыфиIорэ проектым АР-м и ЛIышъхьэ осэшхо фишIыгъ ыкIи IэпыIэгъу зэрафэхъун ылъэкIыщтым кIэупчIагъ. КъумпIыл Мурат зэрилъытэрэмкIэ, «Дышъэ гъэтIылъыпIэм» къалэр ыкIи зэрэреспубликэу къыгъэдэхэщт, мыщ щыпсэухэрэр ыкIи хьакIэхэр къызэрищэлIэщтых, къэзытхырэр Адыгэ Республикэм и ЛIышъхьэ ипресс-къулыкъу.
— Мы проектыр гъэцэкIэгъэн зэрэфаем игугъу къышIыгъагъ Эрмитажым ипащэу Михаил Пиотровскэм сиэкспозицие ащ къыщызгъэлъагъо зэхъум. А гупшысэр джы щыIэныгъэм щыпхырытэщы. Мы мафэхэм къэлэ паркым псэолъэшхор щашIы. ЗэритхъухьэрэмкIэ, «Дышъэ гъэтIылъыпIэр» илъэскIэ цIыфхэм къафызэIухыгъэ хъущт, — къыIуагъ ювелирым.
Рихьыжьэрэ IофыгъохэмкIэ КъумпIыл Мурат IэпыIэгъу къызэрэфэхъурэмкIэ ыкIи имэфэкIкIэ къызэрэфэгушIуагъэмкIэ зэрэфэразэр Еутых Асе къыIуагъ.
Дзэм агъэкIотагъэх 
Дин зэфыщытыкIэхэм атегущыIагъэх 
Бзылъфыгъэхэм афэгушIуагъэх 
Адыгеим зэIукIэгъум зыфегъэхьазыры 
Адыгеим и ЛIышъхьэ дин конфессиехэм япащэхэм аIукIагъ