Адыгеим и ЛIышъхьэу КъумпIыл Мурат Урысыем и Президент иприемнэ цIыфхэр щыригъэблэгъагъэх.
Къалэу Мыекъуапэ, Адыгэкъалэ, Теуцожь, Тэхъутэмыкъое ыкIи Красногвардейскэ районхэм ащыпсэухэрэр зыгъэгумэкIырэ IофыгъохэмкIэ республикэм и ЛIышъхьэ дэжь къэкIуагъэх. ЗэIукIэгъум илъэхъан Iофыгъоу къаIэтыгъэхэр: уз хьылъэ зиIэ кIэлэцIыкIухэм адеIэгъэныр, зыщыпсэухэрэ унэхэм язытет нахьышIу шIыгъэныр, чIыгум епхыгъэ зэфыщытыкIэхэр ыкIи нэмыкIхэр.
ГущыIэм пае, сэкъатныгъэ зиIэ кIэлэцIыкIухэм Iоф адэшIэгъэнымкIэ IэпыIэгъу къафэхъунхэм фэгъэхьыгъэ лъэIу тхылъымкIэ республикэм и ЛIышъхьэ пшъэрылъ фишIыгъ Адыгэ Республикэм ивице-премьерэу Наталья Широковам ахъщэ къафыхэгъэкIыгъэным иIоф хэплъэнэу.
ЗэIукIэгъум илъэхъан Iофыгъоу зыгъэгумэкIхэрэм янахьыбэр а чIыпIэм щызэшIуахыгъ. Адрэ IофыгъохэмкIэ Адыгеим и ЛIышъхьэ ведомствэхэм яIэшъхьэтетхэм ыкIи муниципалитетхэм япащэхэм пшъэрылъ гъэнэфагъэхэр афишIыгъэх.
ЗэIукIэгъум икIэуххэр зэфихьысыжьхэзэ КъумпIыл Мурат къызэрэхигъэщыгъэмкIэ, цIыфхэр зыгъэгумэкIырэ IофыгъохэмкIэ лъэIу тхылъхэу къагъэхьыхэрэм япхыгъэ IофшIэнымкIэ теурыкIуагъэ зыми къыхафэ хъущтэп.
«Республикэм щыпсэурэ цIыфхэм ящыIакIэ нахьышIу шIыгъэным ренэу тынаIэ тетэгъэты, тыдэлажьэ. Джащ фэдэу цIыфхэр зыгъэгумэкIырэ, зыфэныкъо Iофыгъохэри къытлъыIэсынхэм, тащыгъозэным мэхьанэшхо иIэу щыт. ЧIыпIэхэм пэщэ IэнатIэхэр ащызыIыгъхэм ащ фэдэ лъэIу тхылъхэм анаIэ атырагъэтын, хабзэм къыдилъытэрэ фитыныгъэу цIыфхэм яIэхэр ыкIи яфедэхэр къаухъумэнхэ фае», — къыIуагъ Адыгеим и ЛIышъхьэ.
ИIофшIэн осэшIу фишIыгъ 
Зэзэгъыныгъэм зэдыкIэтхaгъэx 
Апшъэрэ шапхъэхэм адиштэщт 
Фестивалым изэхэщэн тегущыIагъэх 
Якъэгъэлъэгъонхэр нахьышIу хъугъэх