33

«Единэ Россиер» апэ ит

Iоныгъом и 18-м Адыгэ Республикэм и Къэралыгъо Совет - Хасэм идепутатхэм яхэдзынхэу щыIагъэхэм партиеу «Единэ Россием» процент 61,4-рэ къащырихыгъ.

АР-м хэдзынхэмкIэ и ­Гупчэ комиссие къызэритыгъэмкIэ, джащ фэдэу партийнэ спис­кэхэмкIэ республикэм и Парламент хэхьагъэх: КПРФ-р - процент 14,4-рэ, ЛДПР-р - процент 13, «Справедливая Россия» зыфиIорэр - проценти 6,4-рэ. Партиеу «Урысыем икоммунистхэр» зыфиIорэм хэдзакIохэм япроценти 2,3-рэ фэдизмэ дырагъэштагъ. ПэшIорыгъэшъ зэфэхьысыжьхэм къызэрагъэлъэгъуагъэмкIэ, МыекъуапэкIэ зы мандат зиIэ койхэмкIэ хэдзынхэм ащытекIо­гъэхэ единоросси 8-р ыкIи ЛДПР-м изы лIыкIо АР-м и Пар­ламент хэхьагъэх.

Ахэр: Са­пый Вячеслав, Андрей Гетмановыр, Владимир Овчинниковыр, Пэнэшъу Къэплъан, Алексей Корешкиныр, КIэрэщэ ­Ан­дзаур, Къулэ Аскэрбый, Сергей Пого­диныр, Сергей Белокрыс. Шъугу къэдгъэкIыжьын, АР-м и Къэралыгъо Совет - Хасэм депутат 50 хэтыщт. Ахэм азыныкъо партийнэ спискэ­хэм­кIэ, адрэхэр зы мандат зиIэ койхэмкIэ хадзыгъэх.

Мые­къуапэ пштэмэ, амакъэ аты­ным­кIэ фитыныгъэ зиIэ нэ­бгырэ мини 130,4-у атхыгъэм щыщэу хэдзынхэм къякIолIагъэр хэдзэкIо мин 53-м ехъу е процент 41-м кIэхьэ. Мы мафэм УФ-м и Къэ­ралыгъо Думэ идепутатхэри Адыгеим щыхадзыгъэх. Республикэм щыпсэурэмэ япроцент 53-м ехъур голосованием хэлэжьагъ.

УФ-м и Къэра­лыгъо Думэ идепутат хъун­хэмкIэ зыкъэзгъэлъэгъогъэ кандидатхэр пштэмэ, зы мандат зиIэ хэдзыпIэ коеу N 1-мкIэ кандидатэу Владислав Резник Адыгеим ихэдзэкIо 100651-мэ е процент 55,22-мэ дырагъэ­штагъ. ЯтIонэрэ чIыпIэм щыт КПРФ-м икандидатэу Евгений Саловыр, партиеу «Родина» зыфиIорэм хэт Нина ­Коноваловар ящэнэрэ хъугъэ. «Единэ Россием» ирегиональнэ партийнэ спискэу АР-м и ЛIы­шъхьэу ТхьакIущынэ Аслъан зипащэм хэдзэкIо 108778-мэ е процент 59,45-мэ дыра­гъэ­штагъ.

Адрэхэр мырэущтэу атегощагъэхэ хъугъэ: КПРФ-м - 24456-рэ е процент 13,37-рэ, ЛДПР-р - 23158-рэ е процент 12,66-рэ, партиеу «Справедливая Россия» зы­фиIорэм - 8833-рэ е проценти 4,83-рэ, «Урысыем икоммунист­хэр» - проценти 2,23-рэ, пенсионерхэм япартие - процент 1,35-рэ, «Родинэм» - процент 1,13-рэ.

Хэдзынхэм зэкIэмкIи партие 14 ахэлэжьагъ, ахэм ащыщэу 7-мэ якъэгъэлъэгъонхэр зы процентым кIэхьагъэп. УФ-м и Къэралыгъо Думэ идепутатхэм яхэдзынхэу Урысыем щыкIуагъэхэр зэкIэ пштэхэмэ, пэшIорыгъэшъ зэфэ­хьы­сыжьхэм къызэрагъэлъэ­гъуа­гъэмкIэ, партиеу «Единэ Россием» процент 54,2-рэ фэдиз, КПРФ-м - процент 13,34-рэ, ЛДПР-м - процент 13,15-рэ, «Справедливэ Россием» - проценти 6,22-рэ рахыгъ. Ама­къэ атынымкIэ фитыныгъэ зи­Iэхэм япроцент 47,8-р голосованием хэлэжьагъ.

Смотрите также:

Оставить комментарий (0)

Также вам может быть интересно

Загрузка...

Топ 5 читаемых