Адыгеим и ЛIышъхьэу КъумпIыл Мурат Урысые Федерацием ишъолъырхэм хэхъоныгъэ ягъэшIыгъэнымкIэ Правительствэ комиссием иIофшIэн хэлэжьагъ. Урысые Федерацием и Правительствэ и Тхьаматэ игуадзэу Виталий Мутко зэхэсыгъор зэрищагъ.
Зэхэсыгъом къыщаIэтыгъэ Iофыгъо шъхьаIэхэм ащыщ шъолъырхэм федеральнэ IэпыIэгъоу аратыщтыр. Вице-премьерэу Виталий Мутко зэрэхигъэунэфыкIыгъэмкIэ, Урысые Федерацием ишъолъырхэу зиэкономикэкIэ хэхъоныгъэшхо зышIыгъэхэм ябюджетхэр зэфэдиз шIыгъэнхэм пае грант шIыкIэкIэ мыгъэ сомэ миллиард 45-рэ аIукIэщт.
Урысые Федерацием и Правительствэ хэтхэр зикуратор шъолъыри 10-мэ, Адыгэ Республикэри ахэм ахэхьэ, яэкономикэ зыкъегъэIэтыгъэнымкIэ федеральнэ IэпыIэгъоу аратырэм зэрэхэхъощтыр мыщ къыщаIуагъ.
«СубъектипшIымэ IэпыIэгъу ягъэгъотыгъэным пае, къэралыгъо программэхэмрэ лъэпкъ проектхэмрэ анэмыкIэу, илъэси 5-м сомэ миллиарди 100-м нэс аIэкIэгъэхьэгъэным тегупшысэ. Iофыгъо шъхьаIэхэм язэшIохын а мылъкур пэIуагъэхьашъущт, яхэхъоныгъэ фэIорышIэщт», — къыIуагъ Виталий Мутко.
Комиссием изэхэсыгъо шъолъырхэм яполномочиехэм ягъэзекIонкIэ, ахэм ябюджетхэм ямылъку нахь шIуагъэ къытэу гъэфедэгъэнымкIэ, Урысые Федерацием ишъолъырхэм нахьышIоу пэщэныгъэ ащызехьэгъэнымкIэ предложение гъэнэфагъэхэр къыщахьыгъэх.
Зэхэсыгъом икIэуххэм къатегущыIэзэ, Адыгеим и ЛIышъхьэ Iофыгъоу къаIэтыгъэхэм мэхьанэшхо зэряIэр, лъэныкъо пстэури къыдалъытэзэ унашъохэр зэраштагъэр къыхигъэщыгъ.
«Адыгеим нахь псынкIэу хэхъоныгъэ ышIыным тегъэпсыхьэгъэ гъогу картэ тапэкIэ Урысыем мэкъу-мэщымкIэ и Министерствэ тыригъусэу дгъэпсыгъэ.Iофыгъоу къетхьыжьэхэрэмкIэ сыд фэдэрэ лъэныкъокIи федеральнэ гупчэм иIэпыIэгъу зэхэтэшIэ. Непэрэ зэхэсыгъом щырахъухьэгъэ Iофыгъохэмрэ агъэцэкIэнэу щагъэнэфагъэхэмрэ социальнэ лъэныкъомрэ экономикэмрэ къащытэджырэ гумэкIыгъохэм ядэгъэзыжьын республикэм къыщагъэпсынкIэщт, лъэпкъ проектхэм къахиубытэу Владимир Путиным къыгъэуцугъэ пшъэрылъхэм язэшIохын, тицIыфхэм ящыIакIэ нахьышIу шIыгъэным афэIорышIэщтых», — къыIуагъ КъумпIыл Мурат.
Москва щызэIукIагъэх 
Адыгеим и ЛIышъхьэ федеральнэ форумым хэлэжьагъ 
Пхъэныр Адыгеим зэрэщыкIорэм щигъэгъозагъэх 
Лъэпкъ проектхэм ягъэцэкIэн — пшъэрылъ шъхьаI 
Урысыем энергетикэмкIэ и Министерствэ щыкIогъэ зэIукIэм хэлэжьагъ