Примерное время чтения: 1 минута
171

Iофтхьабзэу «ЛъэсрыкIу» зыфиIорэр Мыекъуапэ щыкIуагъ

ГъогурыкIоныр щынэгъончъэу щытыным ыкIи гъогухэм къатехъухьэрэ хъугъэ-шIагъэхэр нахь макIэ шIыгъэнхэм апае шэкIогъум и 17-м къыщегъэжьагъэу и 22-м нэс АР-м гъогурыкIоныр щынэгъончъэнымкIэ къэралыгъо инспекциер кIэщакIо зыфэхъугъэ пэшIорыгъэшъ Iофтхьабзэу «ЛъэсрыкIу» зыфиIорэр Мыекъуапэ щыкIуагъ.

Iофтхьабзэм хахьэу къалэм игъогу зэхэкIыпIэхэу цIыфхэр нахьыбэу зыщызэблэкIыхэрэм къэралыгъо автоинспекцием икъулыкъушIэхэр атетхэу къулыкъур ахьыгъ, гъогурыкIоным ишапхъэхэр зыукъохэрэ водительхэм, анахьэу лъэсрыкIохэм алъыплъагъэх.

ЛъэсрыкIохэмрэ водительхэмрэ къулыкъушIэхэм къагъэуцухэзэ зэдэгущыIэгъухэр адашIыгъ, гъогурыкIоным ишапхъэхэр амыукъонхэу, гъогум шъхьэкIафэ ыкIи сакъыныгъэ къыщызхагъэфэнхэу къяджагъэх.

Анахьэу кIэлэцIыкIухэм анаIэ зэратырагъэтын фаехэр агу къагъэкIыжьыгъ, ар зэрытхэгъэ мэкъэгъэIу тхьапэхэр аратыгъэх.

ГъогурыкIоным ишапхъэхэр ыукъохэзэ лъэ­срыкIор блэ­зы­мыгъэкIыгъэхэ во­дительхэм ыкIи гъогур зыщызэпыпчы мы­хъущт чIыпIэм атехьэгъэхэ лъэс­рыкIохэм административнэ пшъэдэкIыжьхэр арагъэхьыгъ.

«Адыгэ макъ»

Смотрите также:

Оцените материал
Оставить комментарий (0)

Также вам может быть интересно

Топ 5 читаемых

Самое интересное в регионах