Примерное время чтения: 1 минута
32

Мы илъэсым ишышъхьэIу мазэм нэс

АР-м и ЛIышъхьэу КъумпIыл Мурат Тэхъутэ­­мыкъое районым зэкIом къэлэ гъэпсыкIэ зиIэ поселкэу Яблоновскэм псыр дэзыщыщт на­соснэ станциеу щашIыщтым зэрэфэхьазыр­хэм зыщигъэгъозагъ.

Шъугу къэдгъэкIыжьын, поселкэм хэхъоныгъэхэр егъэшIыгъэнхэм ыкIи «линие занкIэм» цIыфхэм Iофыгъоу къыщаIэтыгъагъэхэм ядэгъэзыжьын афэгъэхьыгъэ зэхэсыгъоу блэкIыгъэ илъэсым зэхащагъэм мыщ щытегущыIэгъагъэх. Джащыгъум республикэм ипащэ псыр зэрэдагъэчъыщтым иIоф охъ­табэ тырамыгъашIэу зэшIуа­хы­нэу, къызещхыкIэ цIыфхэм псыр зэракIахьэрэм иIофыгъо дэз­гъэзыжьыщт станциякIэм ишIын пэIухьащт ахъщэр къагъо­тынэу пшъэрылъ къышIыгъагъ.

Сомэ миллион 44-рэу ащ те­фэщтыр АР-м иминистрэхэм я Кабинет иIэпэчIэгъэнэ фонд къыхахыщт. Охътэ бла-гъэм Яблоновскэм игъунап­къэхэм ащыщ станциер щашIы­нэу рагъэжьэщт. Кубометрэ 1200-рэ зы сыхьатым дищынэу кIуачIэ зиIэ инженернэ псэуа­лъэр ощх-осыпсыхэр ­игъом дэщыгъэнхэр ары зыфэгъэзэ­гъэщтыр.

КъумпIыл Мурат станцием ишIын, пIалъэхэм адиштэу ар агъэпсыным лъэшэу анаIэ тырагъэтынэу поселкэм ипащэхэм къафигъэпытагъ.

«Мы псэуалъэм поселкэм ипсэупIэ-коммунальнэ системэ мэхьэнэшхо щеубыты. ЦIыф­хэр мызэу, мытIоу къытэтхьау­сыхы­лIагъэх. Ощхым е осышхом ауж псыр къазэракIахьэрэм къиныгъуабэ къафехьы. Арышъ, мы проектым ипхырыщын ты­наIэ лъэшэу тетын фае», — къы­Iуагъ республикэм ипащэ.

Станциер мы илъэсым ишы­шъхьэIу мазэ нэс атIупщынэу проектым къыдыхэлъытагъ.

Оцените материал
Оставить комментарий (0)

Топ 5 читаемых

Самое интересное в регионах