Примерное время чтения: 2 минуты
89

ТхьакIущынэ Аслъан усакIоу Илья Резник IукIагъ

Майкоп, 12 декабря - АиФ-Адыгея.

Адыгэ Республикэм и ЛIышъхьэу ТхьакIущынэ Аслъан Урысыем инароднэ артистэу Илья Резник тыгъуасэ IукIагъ.

Iофтхьабзэм хэлэжьагъэх министрэхэу Къулэ Мыхьамэтрэ Юрий Петровымрэ, И. Резник ыцIэ зыхьырэ музыкальнэ театрэм ипащэу Ирина Романовар, Ставрополь краим и Къэралыгъо Думэ идепутатэу Роман Савичевыр.

Творчествэм, культурэм, искусствэм, джащ фэдэу Илья Резник иавторскэ программэу Мыекъуапэ щыкIощтым иIофыгъохэм лъэныкъохэр атегущыIагъэх.

АР-м и ЛIышъхьэ пэублэ псалъэ къышIызэ, зэлъашIэрэ усакIоу И. Резник шIуфэс гущыIэхэмкIэ зыфигъэзагъ. Ащ итворчествэ зэрэшIогъэшIэгъоныр, осэшхо зэрэфишIырэр риIуагъ. ЩытхъуцIэу «Адыгэ Республикэм изаслуженнэ артист» зыфиIорэр ащ фигъэшъошагъ, АР-м и ЛIышъхьэ ишIуфэс тхылъ И. Романовам ритыжьыгъ. Артист цIэрыIохэм ыпэкIэ Iоф адишIэщтыгъэмэ, непэ кIэлэцIыкIухэм ятворческэ амалхэр къызэIухыгъэнхэм нахь зызэрэфигъэзагъэр, ащ фэшI ансамблэу «Маленькая страна» зыфиIорэр зэрэзэхищагъэр Илья Резник къыIуагъ.

Гухэлъэу иIэхэр кIэкIэу къыриIотыкIыгъэх, журналистхэм яупчIэхэм джэуапхэр къаритыжьыгъэх. УсакIом къызэрэхигъэщыгъэмкIэ, Адыгеим мэфищрэ щыIэщт. Иконцерт къекIолIэрэ цIыфхэу упчIэ анахь гъэшIэгъон къэзытыхэрэм ыIапэ зыкIэдзэгъэ итхылъхэр шIухьафтынэу аритыщтых, гъэшIэгъонэу ахэм алъэгъущтыр бэ. Илья Резник иусэхэр зыдэт томитIу хъурэ тхылъыр АР-м и ЛIышъхьэ шIухьафтынэу къыритыгъ.

АР-м и ЛIышъхьэ и пресс-къулыкъу.

Смотрите также:

Оцените материал
Оставить комментарий (0)

Также вам может быть интересно

Топ 5 читаемых

Самое интересное в регионах