Примерное время чтения: 3 минуты
67

Зэзэгъыныгъэм зэдыкIэтхaгъэx

Майкоп, 22 октября - АиФ-Адыгея.

Адыгэ Республикэм иминистрэхэм я Кабинетрэ ПАО-у «Нефтяная компания «ЛУКОЙЛ» зыфиIорэмрэ азыфагу илъыщт илъэситф зэзэгъыныгъэм тыгъуасэ Москва щызэдыкIэтхагъэх. Документым ыIапэ кIадзэжьыгъ Адыгэ Республикэм и ЛIышъхьэу КъумпIыл Муратрэ «ЛУКОЙЛ»-м ипрезидентэу Вагит Алекперовымрэ.

Адыгеим и ЛIышъхьэ къызэрэхигъэщыгъэмкIэ, компаниеу «ЛУКОЙЛ»-м илъэс 25-м ехъугъ республикэм IофшIэн гъэнэфагъэ зыщигъэцакIэрэр ыкIи цыхьэшIэгъу гъусэгъоу ары зыкъызэригъэлъэгъуагъэр.

«Компанием гъэхъагъэ хэлъэу ыпэкIэ регъэхъу, инфраструктурэр нахьышIу ешIы, псэуалъэхэр уахътэм диштэу егъэкIэжьых, республикэм ибюджет хэбзэIахь гъэнэфагъэхэр къырегъахьэх. Зэзэгъыныгъэу тызыкIэтхагъэр бгъуитIуми язэдэлэжьэныгъэ шIуагъэ къытынымкIэ лъэпсэшIу хъущт. Республикэм ифедэ хэлъэу лъэныкъо зэфэшъхьфхэмкIэ тызэдэлэжьэным тыфэхьазыр. «ЛУКОЙЛ»-р социальнэ лъэныкъом тегъэпсыхьэгъэным, шIушIэ проект зэфэшъхьафхэр республикэм щызэшIуихынхэм тэркIэ мэхьанэ иIэу щыт», — къыIуагъ Адыгэ Республикэм и ЛIышъхьэ.

ТапэкIэ зэзэгъыныгъэу зэдашIыгъагъэхэр икъоу гъэцэкIагъэ хъунхэм республикэм ынаIэ зэрэтыригъэтырэр КъумпIыл Мурат къыхигъэщыгъ. Тыгъуасэ зыкIэтхэгъэхэ зэзэгъыныгъэм къыделъытэ IофшIэнэу зэдагъэцэкIэщтым илъэныкъо гъэнэфагъэхэмкIэ тапэкIи зэдызэшIуахыщт Iофтхьабзэхэр амал зэриIэу нахь псынкIэу зэшIохыгъэнхэр. ЧIыдагъэм хэшIыкIыгъэхэмкIэ республикэм иэкономикэ ифэныкъоныгъэхэм, ахэм язытет тэрэзэу уплъэкIугъэным ахэр япхыгъэх. Джащ фэдэу автозаправочнэ комплексхэу джырэкIэ щыIэхэр зэтегъэпсыхьэгъэнхэр, кIэхэр шIыгъэнхэр, тыкъэзыуцухьэрэ дунаимкIэ щынэгъончъэу щытыщт джырэ производствэхэр республикэм щышIыгъэнхэр, цIыфхэм IофшIэн ягъэгъотыгъэнымкIэ ыкIи республикэм иинфраструктурэ хэхъоныгъэ егъэшIыгъэнымкIэ бгъуитIуми яфедэ зыхэлъ проектхэр зэдэгъэцэкIэгъэнхэр.

Адыгеим ихэбзэ къулыкъухэр компанием иинвестиционнэ IофшIэн тэрэзэу лъыгъэкIотэгъэнымкIэ IэпыIэгъу фэхъунхэм фэхьазырых. Ащ нэмыкIэу социальнэ проектыр зэдагъэцэкIэнэу лъэныкъуитIур зэзэгъыгъ. ГущыIэм пае, кIэлэцIыкIу ыкIи спорт джэгупIэхэр зэтегъэпсыхьэгъэнхэм пае «ЛУКОЙЛ»-м мы илъэсым ахъщэ къафихигъэкIыщт.

Вагит Алекперовым къызэриIуагъэмкIэ, компаниемкIэ мэхьанэшхо иI республикэм ипащэхэр IэпыIэгъу къафэхъунхэм. Мыщ дэжьым къыхэгъэщыгъэн фае зэдызэхагъэуцогъэ проектхэр пхырыщыгъэнхэмкIэ, язэфыщытыкIэхэр джыри нахь лъэгэпIэ иным нэгъэсыгъэнхэмкIэ зэзэгъыныгъэу зэдашIыгъэм мэхьэнэ гъэнэфагъэ зэриIэр.

«Республикэм федэу къыфэтхьырэр нахьыбэ зэрэхъущтым тынаIэ тедгъэтыщт, Адыгеим иинвестиционнэ амалхэм защыдгъэгъозэщт, Адыгэ Республикэм ифедэхэр типроектхэм къащыдэтлъытэщтых», — къыIуагъ Вагит Алекперовым.

ПАО-у «ЛУКОЙЛ»-м ипрезидент Адыгеим и ЛIышъхьэ республикэм зэрэригъэблэгъагъэр игопагъ ыкIи къэкIонэу зэрэфаер къыхигъэщыгъ.

Мыщ дэжьым хэгъэунэфыкIыгъэн фае «ЛУКОЙЛ»-м иавтозаправочнэ станцие 21-рэ Адыгеим зэритыр, ахэм ащыщ гъэстыныпхъэ зэфэшъхьаф зиIэ станции 4-р, джащ фэдэу нефтебази 2-мэ Iоф зэрашIэрэр. Гъэстыныпхъэм иIугъэкIынкIэ Адыгеим ирозничнэ рынкэ компанием чIыпIэу щиубытырэр процент 31-рэ фэдиз. Мы компанием къепхыгъэ предприятиеу ООО-у «ЛУКОЙЛ-Югнефтепродукт» зыфиIорэр чIыдагъэм хашIыкIыхэрэр IугъэкIыгъэнхэмкIэ операторэу щыт. Обществэм илъэс зэкIэлъыкIохэм республикэм федэу къыфихьырэр зынэсырэр нафэ, Адыгеим щыпсэурэ нэбгырэ 200-м ехъумэ IофшIэн арегъэгъоты.

Смотрите также:

Оцените материал
Оставить комментарий (0)

Также вам может быть интересно

Топ 5 читаемых

Самое интересное в регионах