Майкоп, 20 ноября – АиФ-Адыгея. Дунэе аэропортэу «Казань» къыщыхъугъэ тхьамыкIагъом епхыгъэу Адыгэ Республикэм и ЛIышъхьэу ТхьакIущынэ Аслъан Республикэу Татарстан и Президентэу Рустам Миннихановым тхьаусыхэ тхылъ фигъэхьыгъ.
Шъугу къэтэгъэкIыжьы Москва икIэу Казань быбырэ самолетэу Боинг 737-р къэтIысыжьын зэхъум дунэе аэропортэу «Казань» шэкIогъум и 17-м къызэрэщыуагъэр. Нэбгырэ 50 хэкIодагъ, ахэм ахэтыгъ Татарстан и Президент ыкъуи.
«Лъытэныгъэ зыфэсшIырэ Рустам Нургалий ыкъор! Авиакомпаниеу «Татарстан» исамолет къызэом цIыфхэр зэрэхэкIодагъэхэм фэшI Адыгэ Республикэм щыпсэухэрэм ацIэкIэ сыпфэтхьаусыхэ», - къыщеIо Адыгеим и ЛIышъхьэ ыгъэхьыгъэ телеграммэм.
«УикIалэу Ирек зэрэхэкIодагъэр гухэкIышхо тщыхъоу тыпфэтхьаусыхэ. Уикъин къыбдэтэгощы, тыбдэшъыгъо», - къыщеIо тхьаусыхэ тхылъым.
АР-м и ЛIышъхьэ и пресс-къулыкъу.