Майкоп, 19 ноября - АиФ-Адыгея. Полицием имэфэкI фэгъэхыгъэ торжественнэ зэхахэ шэкIогъум и 12 -м, Мыекъуапэ щыкIуагъ. Зэхахьэм хэлэжьагъэх АР-м и ЛIышъхьэу ТхьакIущынэ Аслъан, федеральнэ инспектор шъхьаIэу ЛIыIужъу Адам, АР-м и Къэралыгъо Совет - Хасэм и Тхьаматэ игуадзэу Iэщэ Мухьамэд, нэмыкIхэри.
МэфэкI зэхахьэр рагъэжьэным ыпэкIэ непэ хэбзэухъумэкIо къулыкъухэм агъэфедэрэ хэушъхьафыкIыгъэ техникэр, Iашэхэр, шъуашэхэр зыщызэхэугъоегъэ къэгъэлъэгъоным республикэм ипащэ екIолIагъ, ахэр зэригъэлъэгъугъэх, специалистхэм гущыIэгъу афэхъугъ.
ТхьакIущынэ Аслъан пэублэ псалъэ къыщишIызэ, зипрофессиональнэ мэфэкI хэзыгъэунэфыкIыхэрэм, ветеранхэм къафэгушIуагъ.
Нэужым республикэм ипащэ иунашъокIэ «АР-м изаслуженнэ юрист» зыфиIорэ щытхъуцIэр зыфагъэшъошэгъэ министрэу Александр Речицкэм, полицием иIофышIэ заулэу АР-м и ЛIышъхьэ ирэзэныгъэ тхылъхэр зытефэхэрэм ТхьакIущынэ Аслъан афэгушIуагъ, къалэжьыгъэхэр аритыжьыгъэх.