Адыгэ Республикэм и ЛIышъхьэу ТхьакIущынэ Аслъан АР-м и Лъэпкъ театрэ ихудожественнэ пащэу Шъхьэлэхъо Светланэрэ театрэм иартисткэу Хьалэщтэ Саныетрэ тыгъуасэ аIукIагъ.
Республикэм итеатральнэ искусствэ тапэкIэ хэхъоныгъэхэр ышIынхэм иIофыгъо ахэр тегущыIагъэх. Илъэсэу тызыхэтым лъэпкъ театрэм гъэхъэгъэшIухэр ышIынхэ, IофшIэным екIолIакIэхэр къыфигъотынхэ зэрилъэкIыгъэр республикэм ипащэ къыхигъэщыгъ.
- СпектаклыкIэхэр репертуарым хэгъэхьэгъэнхэм, артист, режиссер, сценарист ныбжьыкIэхэм зыкъызэIуахын амал яIэным шъунаIэ тежъугъэтын фае. Ахэм щыкIагъэу яIэхэр къыдэшъулъытэзэ, яквалификацие хагъэхъоным пае Москва, Санкт-Петербург ащеджэнхэу жъугъэкIонхэм мэхьанэшхо иI, - къыIуагъ АР-м и ЛIышъхьэ.
Республикэм ипащэхэм пшъэрылъэу къагъэуцугъэхэр, унашъоу ашIыгъэхэр гъэцэкIэгъэнхэм анаIэ зэрэтетыр Шъхьэлэхъо Светланэ къыхигъэщыгъ. Театрэм актерыкIэхэр къыхэхьэх, ахэр республикэм ирайон гупчэхэм, псэупIэ цIыкIухэм бэрэ ащэIэх. А лъэныкъом мэхьанэшхо ратэу художественнэ пащэм къыгъэнэфагъ. Мыщ фэдэ екIолIакIэм ишIуагъэкIэ театрэм гъэхъэгъэшIухэр ышIынхэ ылъэкIыгъ.
ГущыIэм пае, шэкIогъум и 15-м къыщегъэжьагъэу и 22-м нэс кIогъэ региональнэ фестивалэу «Пшызэ театральнэр» зыфиIорэм ижюри зэрилъытагъэмкIэ, спектаклэу «ЛъышIэжьым» ным ироль къыщызышIыгъэ Хьалэщтэ Саныет анахь актрисэ дэгъоу къыхахыгъ. Саныет ежь къызэриIуагъэмкIэ, мыр иапэрэ роль ин. АР-м и ЛIышъхьэ зэIукIэгъум зэфэхьысыжьхэр къыфишIыхэзэ, творческэ купым тапэкIи IэпыIэгъу зэрэфэхъущтхэр къыIуагъ.
АР-м и ЛIышъхьэ и пресс-къулыкъу.
В 2016 году в Адыгее по вине пешеходов произошло 56 аварий 
В поселке Яблоновском cбили пешехода 
ГИБДД проведёт рейд по безопасности на пешеходных переходах 
В Белореченске сбили школьницу 
В Белореченске полицейский насмерть сбил пешехода