Чернобыль къыщыхъугъэ аварием идэгъэзыжьын Урысыем щыщ нэбгырэ мин 300 фэдиз хэлэжьагъ. Ахэм ащыщэу нэбгырэ 800-м ехъур Адыгеим икIыгъэх.
Мы тхьамыкIагъом идэгъэзыжьын хэлэжьагъэхэр илъэс къэс ТхьакIущынэ Аслъан регъэблагъэх, ахэр зыгъэгумэкIыхэрэм атегущыIэх, Iофыгъохэр зэшIохыгъэнхэмкIэ амалэу щыIэхэр агъэнафэх. Гукъау нахь мышIэми, аварием идэгъэзыжьын хэлэжьагъэхэм ащыщыбэхэм ядунай ахъожьыгъ.
ГумэкIыгъохэм атегущыIагъэх
Iофтхьабзэм хэлэжьэгъэ общественнэ организациехэм ялIыкIохэм къызэраIуагъэмкIэ, чернобыльцэхэм Iэзэгъу уцхэр игъом къаIэкIахьэхэрэп, санаторием зэрэкIощт путевкэхэр икъу фэдизэу къафатупщырэп. Ахэр дэгъэзыжьыгъэнхэм пае IэпыIэгъу къафэхъунэу республикэм ипащэ зыкъыфагъэзагъ.
Джащ фэдэу «Сююз Чернобыль» зыфиIорэ республикэ общественнэ организацием Iоф зыщишIэн, зыщызэрэугъоинхэ алъэкIыщт унэ зэрямыIэр Iофыгъо шъхьаIэхэм ащыщыгъ.
Мы чIыпIэ дэдэм а гумэкIыгъом изэшIохын епхыгъэ унашъо ТхьакIущынэ Аслъан ышIыгъ, ыпэкIэ зычIэсыщтыгъэхэ унэр къаритыжьыгъ.
Смотрите также:
- Iэшэ лъэпкъ зэфэшъхьафхэр гъэфедэгъэнхэм фагъасэх →
- Рашид Темрезовыр Адыгеим къэкIуагъ →
- Итворчествэ осэшхо фишIыгъ →