aif.ru counter
30

ТхьакIущынэ Аслъан наградэхэр къаритыжьыгъэх

Бэрэскэжъыем, шышъхьэIум и 22-м, АР-м и ЛIышъхьэу ТхьакIущынэ Аслъан къэралыгъо наградэхэмрэ щытхъуцIэхэмрэ къызыфагъэшъошагъэхэм ахэр къэзыушыхьатырэ тхылъхэмрэ бгъэхалъхьэхэмрэ къаритыжьыгъэх.

Къэралыгъо наградэхэр къэзылэжьыгъэхэм Адыгеим  ипащэ пэублэм къафэгушIуагъ, лъэныкъоу зыщылажьэхэрэм гъэхъагъэхэр ащашIыхэзэ ыпэкIэ лъыкIотэнхэу къафэлъэIуагъ.

УФ-м и президент ихэдзын кампание чанэу хэлэжьэгъэхэ АР-м и премьер-министрэу КъумпIыл Муратэ, муниципальнэ образованиеу «Къалэу Мыекъуапэ» иадминистрацие ипащэу Михаил Черниченкэм, гъэсэныгъэм иучреждениеу «Лицееу N 8-м» физикэмкIэ икIэлэегъаджэу Алексей Стальноим УФ-м и президент ирэзэныгъэ тхылъхэр афагъэшъошагъэх.

ТхьакIущынэ Аслъан иунашъокIэ «Адыгеим и Щытхъузехь» зыфиIорэ медалыр къафагъэшъошагъэу къаритыжьыгъ IофшIэным иветеранэу Анатолий Мальковым, Адыгэ къэралыгъо университетым икафедрэ ипрофессорэу, тарихъ шIэныгъэхэмкIэ докторэу Бузэрэ Алик.

ЩытхъуцIэр къызфагъэшъошагъэхэм ащыщых Адыгэ къэралыгъо университетым философиемрэ социологиемрэкIэ икафедрэ идоцентэу, философ шIэныгъэхэмкIэ кандидатэу ШэолIыхъу Айдэмыркъан, мы апшъэрэ еджэпIэ дэдэм литературэмрэ журналистикэмрэкIэ икафедрэ идоцентэу, тарихъ шIэныгъэхэмкIэ кандидатэу Шышъхьэ Нелэ ыкIи нэ­мыкIхэри.

Смотрите также:

Оставить комментарий (0)

Также вам может быть интересно

Загрузка...

Топ 5 читаемых