Общественнэ организациеу «Урысыем иныбжьыкIэхэм я Союз» зыфиIорэм ишъолъыр къутамэ Адыгеим къыщызэIуахы. Ащ фэгъэхьыгъэу мы организацием итхьаматэу Павел Красноруцкэр Мыекъуапэ щыIагъ ыкIи Адыгэ Республикэм и ЛIышъхьэу ТхьакIущынэ Аслъан IукIагъ.
Iофтхьабзэм хэлэжьагъэх АР-м гъэсэныгъэмрэ шIэныгъэмрэкIэ иминистрэу Хъуажъ Аминэт, Адыгэ къэралыгъо ыкIи Мыекъопэ къэралыгъо технологическэ университетхэм яректорхэу Хъунэго Рэщыдэрэ Къуижъ Саидэрэ. Союзым икъутамэ Адыгеим къызэрэщызэIуахырэм мэхьанэшхо зэриIэр, ныбжьыкIэхэмкIэ ар IэпыIэгъушIоу зэрэщытыщтыр АР-м и ЛIышъхьэ къыIуагъ.
«Сэнаущыгъэ зыхэлъ ныбжьыкIабэ тиI, ахэм республикэр ыпэкIэ лъагъэкIотэным, экономикэм хэхъоныгъэхэр рагъэшIыным тыщэгугъы», - къыIуагъ ТхьакIущынэ Аслъан.
Павел Красноруцкэм къызэриIуагъэмкIэ, фестивалэу «Студентхэм ягъатх» зыфиIорэр блэкIыгъэ илъэсым Адыгеим дэгъу дэдэу щырагъэкIокIыгъ. АщкIэ IэпыIэгъу къафэхъугъэ АР-м и ЛIышъхьэ «тхьауегъэпсэу» риIуагъ.
Сэнаущыгъэ зыхэлъ ныбжьыкIабэ республикэм зэрисыр къыдалъыти, Союзым ишъолъыр къутамэ мыщ къыщызэIуахынэу рахъухьагъ. Ащ ипащэу агъэнэфагъ Адыгэ къэралыгъо университетым истудентэу Артур Мелитонян.
П. Красноруцкэм къызэрэхигъэщыгъэмкIэ, илъэс 14-м къыщегъэжьагъэу илъэс 30-м нэс зыныбжьхэм Iоф адашIэ. КIэлэеджакIохэм, студентхэм, IофшIапIэ Iут ныбжьыкIэхэм сыд фэдэрэ лъэныкъокIи IэпыIэгъу афэхъунхэм фэшI программэ гъэнэфагъэхэр агъэфедэх.
Ащ фэдэ екIолIакIэм шIуагъэ къызэритырэр щыIэныгъэм къыгъэлъэгъуагъ. Урысыем ишъолъыр 75-мэ Союзым икъутамэхэр къащызэIуахыгъэх, джы ахэм Адыгеири ащыщ хъугъэ.
Экспедиция «Лена 2014» официально финишировала в Якутске 
АР-м и ЛIышъхьэ студентхэм зафигъэзагъ 
Челябинские баскетболисты из «Динамо» сыграют с командой Майкопа 
Баскетболисты «Динамо-МГТУ» уступили тобольскому «Нефтехимику» 
«Динамо-МГТУ» сохраняет место в четвёрке лучших