Майкоп, 5 февраля – АиФ-Адыгея. Адыгеим и ЛIышъхьэу ТхьакIущынэ Аслъан УФ-м регион хэхъоныгъэмкIэ иминистрэ игуадзэхэу Сергей Назаровымрэ Вадим Малининымрэ аIукIагъ.
ЗэIукIэгъум джащ фэдэу хэлэжьагъэх АР-м и Премьер-министрэу КъумпIыл Муратрэ АР-м и Прокурорэу Василий Пословскэмрэ.
Федеральнэ министрэхэр Адыгеим къызыкIэкIогъагъэхэр республикэм иэлектролиниехэр зызэпэутыхэ нэуж ашIагъэхэм нэIуасэ зафашIынэу ары.
Сергей Назаровыр республикэм и ЛIышъхьэ дэгущыIэзэ мырэущтэу къыIуагъ:
- Тэ республикэм анахьэу тыкъызыкIэкIуагъэр тхьамыкIагъом къыздихьыгъэхэм ядэгъэзыжьынкIэ ашIагъэхэм защыдгъэгъозэным нахьи, пIэлъэ кIэкIым къыкIоцI Адыгеим игъэцэкIэкIо хабзэ а тхьамыкIагъом икIэуххэм ядэгъэзыжьынкIэ опытэу иIэр зэфэтхьысыжьынэу, цIыфхэм ар зэлъядгъэшIэнэу ары.
Республикэм и Премьер-министрэ тыригъусэу гумэкIыгъо хэфэгъэгъэ районхэм тазыщэIэм тэ ар нафэ къытфэхъугъ.
Республикэм ирайони 5-р: Красногвардейскэ, Шэуджэн, Джэджэ, Теуцожь, Тэхъутэмыкъое районхэр ары ащ фэдэ гумэкIыгъо зышъхьарытыгъэр. ПсэупIэ 50-м ехъумэ, е нэмыкIэу къэпIон хъумэ, республикэм ис нэбгырэ мин 40-м ехъумэ нэфынэ ямыIэу къэнэгъагъ.
Адыгеим и ЛIышъхьэ иупчIэ джэуап къыритыжьзэ, Премьер-министрэу КъумпIыл Мурат къызэриIуагъэмкIэ, непэ ехъулIэу зэкIэ псэупIэхэм электроэнергиер аIэкIахьэ. ТхьамыкIагъом икIэуххэм ядэгъэзыжьын тхьамафэ ыхьыгъ. Урысыем ичIыпIэ зэфэшъхьафхэм къарыкIыгъэ энергетикхэм ябригадэхэм IэпыIэгъушхо къаратыгъ.
Адыгеир форумым хэлэжьэщт 
С начала года оборот розничной торговли превысил 50 млрд рублей 
Оборот розничной торговли в Адыгее превысил 11,5 млрд рублей 
Оборот розничной торговли в Адыгее превысил 27 млрд рублей 
Оборот розничной торговли в Адыгее превысил 39 млрд рублей