Арэу щыт нахь мышIэми, къызэтынэкIыгъэ 2011-рэ илъэсым егъэпшагъэмэ, мыгъэ фышъхьэ лэжьыгъэхэм нахь макI къатыщтыр. Ащ фэдэ зэфэхьысыжьым къыфэкIуагъэх Iоныгъор рамыгъажьэзэ зэIукIэгъоу республикэм щызэхащагъэм хэлэжьагъэхэр.
Адыгеим мэкъу-мэщымкIэ иминистрэу Юрий Петровым къызэриIуагъэмкIэ, арэущтэу хъунымкIэ объективнэ ыкIи субъективнэ ушъхьагъу заулэ щыIагъ: пхъэным зэрэрагъэкъудыигъэм, бжыхьэр пасэу къызэрэсыгъэм къахэкIэу лэжьыгъэхэр пIуакIэ хъугъэх, ащ епхыгъэу лэжьыгъэшхуи къатыным ущыгугъынэу щытэп. ОхътэшIухэм апхъыгъэ бжыхьасэхэм гъэрекIорэм фэдизэу лэжьыгъэ къарахыжьыщт.
Адыгеим бжыхьэсэ гектар мин 76-рэ щыIуахыжьынэу рахъухьэ, ащ щыщэу гектар мин 63-мэ - коцыр, мин 13-мэ - хьэр, гектар мини 2,3-мэ рапсыр ащашIагъ. Бжыхьасэхэмрэ рапсымрэ гъэхъагъэ хэлъэу кIапхъыкIыжьыгъэх, натрыфым, тыгъэгъазэм, соем язытет уегъэразэ: ощхэу къещхыгъэми ахэм закъыригъэIэтыгъ.
АР-м ихъызмэтшIэпIи 10 фэдизмэ хьэм иIухыжьын рагъэжьэгъах.
ГумэкIыгъохэм апэшIуекIогъэным Адыгеир фэхьазыр 
Республикэм бжыхьасэхэм яIухыжьын аухыгъ 
Пшъэрылъ шъхьаIэхэр афигъэнэфагъэх 
Более 20 пьяных водителей задержали в Адыгее за выходные