43

АвтобусыкIэ къаратыгъ

Майкоп, 26 ноября - АиФ-Адыгея.

Адыгеим и ЛIышъхьэу КъумпIыл Мурат пшъэрылъ зэрафишIыгъэм тетэу тIысыпIэ 51-рэ зиIэ автобусыкIэ республикэм культурэмкIэ иучреждениехэм къафащэфыгъ.

Ащ пае республикэ бюджетым сомэ миллион 12,9-рэ къыхагъэкIыгъ.

Адыгеим и ЛIышъхьэ тыгъуасэ автобусыкIэр къыплъыхьагъ, щынэгъончъэу зэрэщытыр ыкIи джырэ уахътэм къыгъэуцурэ пшъэрылъхэм, шапхъэхэм зэрадиштэрэр ыгъэунэфыгъ.

КъумпIыл Мурат республикэм культурэмкIэ иминистрэу Аулъэ Юрэрэ Адыгэ Республикэм и ЛIышъхьэ культурэмкIэ исоветникэу, ансамблэу «Ислъамыем» ихудожественнэ Iэшъхьэтетэу Нэхэе Аслъанрэ мыщ защыIокIэм, Адыгеим итворческэ коллективхэм апашъхьэ ит пшъэрылъхэм атегущыIагъэх.

«Непэ республикэм культурэм иучреждение тегъэпсыхьагъэхэр ит хъугъэх, культурэм и Унэхэу къуаджэхэм адэтхэр тэгъэцэкIэжьых, кIэхэр тэшIых, цIыфхэми ахэр якIуапIэх. Культурэм иIофышIэхэм пшъэрылъэу яIэр зэрищыкIагъэм тетэу ахэр агъэфедэнхэр, Адыгеим икъэлэ шъхьаIэ имызакъоу, зэкIэ къуаджэхэм, къутырхэм, нэмыкI псэупIэхэм адэс цIыфхэм апае концертхэр ыкIи спектаклэхэр ащызэхащэнхэр ары. ТранспортыкIэм артистхэмрэ творческэ коллективхэмрэ амал къаритыщт концертхэр нахьыбэу къатынхэу, республикэм ипсэупIэхэу анахь пэIудзыгъэу щытхэми адэхьанхэу», — къыIуагъ Адыгэ Республикэм и ЛIышъхьэ.

ШъушIэным пае: лъэпкъ проектэу «Культурэм» ыкIи къэралыгъо программэхэм атегъэпсыхьагъэу 2017-рэ илъэсым къыщегъэжьагъэу 2021-рэ илъэсым нэс Адыгеим культурэм ипсэолъэ 50-м ехъу щагъэпсыгъ ыкIи щагъэцэкIэжьыгъ. Ахэм сомэ миллиард 1,4-м ехъу апэIухьагъ.

Оставить комментарий (0)
Загрузка...

Топ 5 читаемых

Самое интересное в регионах