56

Спортсмен цIэрыIохэр Адыгеим къэкIуагъэх

Фото Алексея Гусева / АиФ
Майкоп, 5 апреля - АиФ-Адыгея.

Спортсмен цIэрыIохэр Адыгеим къэкIуагъэх.

Адыгэ Республикэм и ЛIышъхьэ ипшъэрылъхэр пIэлъэ гъэнэфагъэкIэ зыгъэцэкIэрэ КъумпIыл Мурат Урысыем спорт бэнэнымкIэ и Федерацие ипрезидентэу, олимпийскэ чемпионэу, СССР-м ыкIи УФ-м язаслуженнэ тренерэу Михаил Мамиашвили, шъхьафит бэнэнымкIэ Урысыем ихэшыпыкIыгъэ командэ итренер шъхьаIэу, спортымкIэ мастерэу Дзамболат Тедеевым, спортымкIэ дунэе класс зиIэ мастерэу, Урысыем иныбжьыкIэ командэ итренер шъхьаIэу Тембот Анзор, шъхьафит бэнэнымкIэ дунаим гъогогъуи 3-рэ ичемпионэу, Олимпиадэ джэгунхэм иджэрз медаль къызыфагъэшъошагъэу Мафэ Билал, спортымкIэ дунэе класс зиIэ мастерэу, дунэе зэнэкъокъухэм тыжьын медаль къащызыхьыгъэ Асэкъалэ Рустам тыгъуасэ аIукIагъ.

Шъхьафит бэнэнымкIэ Федерацием икъутамэ блэкIыгъэ илъэсым Адыгеим къыщызэIуахыгъ, джырэ уахътэм кIэлэцIыкIу 360-мэ ащ зыщагъасэ. Илъэс 16-м нэс зыныбжьхэм азыфагу зэхащэгъэ Урысые зэнэкъокъухэр тиреспубликэ щырагъэжьагъэх.

Ащ зэфэхьысыжьэу афэхъухэрэм адиштэу тикъэралыгъо ихэшыпыкIыгъэ командэ хэхьащтхэр агъэнэфэщтых. Мыщ мэхьанэу ратырэм, спортым, анахьэу бэнэным, пыщэгъэ ныбжьыкIэхэм япчъагъэ нахьыбэ хъунымкIэ Адыгеим амалэу IэкIэлъхэм къэзэрэугъоигъэхэр шъхьэихыгъэу атегущыIагъэх.

 

Смотрите также:

Оставить комментарий (0)

Также вам может быть интересно

Загрузка...

Топ 5 читаемых

Самое интересное в регионах