aif.ru counter
63

Проектым тегущыIагъэх

Фото Алексея Гусева / АиФ

Форумэу «Национальные проекты — этап «реализация» зыфиIорэм къыдыхэлъытагъэу Урысые Федерацием транспортымкIэ иминистрэу Евгений Дитрих Урысыем ишъолъырхэм япащэхэм Московскэ хэкум щаIукIагъ.

«Автомобиль гъогухэр дэгъунхэр ыкIи щынэгъончъэнхэр» зыфиIорэ проектыр зэрагъэцакIэрэм ахэр тегущыIагъэх. Адыгеим и ЛIышъхьэу КъумпIыл Мурат зэIукIэм хэлэжьагъ. Шъугу къэтэгъэкIыжьы шъолъыр проект гъэнэфагъэ Адыгейми зэрэщаухэсыгъэр. 2019-рэ илъэсым проектым ипхырыщын пае сомэ миллион 433,6-рэ хъурэ субсидиехэр федеральнэ бюджетым къыхагъэкIыщтых, республикэ бюджетым щыщ сомэ миллион 29,8-рэ ащ пэIуагъэхьащт. А мылъкумкIэ республикэ ыкIи чIыпIэ мэхьанэ зиIэ автомобиль гъогухэр агъэцэкIэжьыщтых ыкIи агъэкIэжьыщтых.

«ТапэкIэ республикэм хэхъоныгъэ ышIынымкIэ, цIыфхэм ящынэгъончъагъэкIэ гъогухэм язытет мэхьанэшхо иI. Непэ мы лъэныкъомкIэ проект ин заулэ пхырытэщы, гъогукIэхэм яшIынкIэ федеральнэ гупчэми зыфэдгъэзагъ. Автомобиль гъогухэр дэгъунхэм ыкIи щынэгъончъэнхэм атегъэпсыхьэгъэ лъэпкъ проектым зэрэхэлажьэрэм тиреспубликэ амал къыритыщт гъогушIынымкIэ зигъо пшъэрылъ заулэ зэшIуихынэу», — хигъэунэфыкIыгъ Адыгэ Республикэм и ЛIышъхьэ.

Смотрите также:

Оставить комментарий (0)

Также вам может быть интересно

Загрузка...

Топ 5 читаемых