Шъолъырхэм ялъытыгъэу гъомлапхъэу зы нэбгырэм ышхын фаер зыфэдизыр Урысые Федерацием IофшIэнымрэ социальнэ хэхъоныгъэмрэкIэ и Министерствэ къылъытагъ.
Гъомлапхъэу цIыфым ышхын фаер зыфэдэр ыкIи зыфэдизыр джы ар къэзыуцухьэрэ чIыопсыр зыфэдэм, лъэпкъым ишэн-хабзэхэм, чIыпIэу зэрысым ялъытыгъэу щытыщт.
Ащ пае регионхэр чIыпэ 10-у агощыгъэх, Адыгеир ябгъонэрэм хэт. Iоф зышIэу республикэм исхэм чэщ-зымафэм килокалорие 2533-рэ, пенсионерхэм килокалорие 2100-рэ, сабыйхэм 2050-рэ агъотын фае.
Шъолъыр фабэхэу, Адыгеир зыхьахьэхэрэм илъэсым къыкIоцI ашхырэр нахь макI. Ау хэтэрыкIхэмкIэ республикэр апэ ит - илъэсым къыкIоцI зы нэбгырэм хэтэрыкI киллограми 122,2-м мынахь макIэу, сабыйхэм киллограми 2-кIэ нахьыбэу ашхын фае.