aif.ru counter
14

ЧIыпIэхэм япшъэрылъ шъхьаIэхэр АР-м и ЛIышъхьэ ыгъэнэфагъэх

из архива пресс-службы главы РА

Красногвардейскэ районым икIэрыкIэу ипащэу къэнэжьыгъэр Тхьэлъэнэ Вячеслав ары.

Тэхъутэмыкъое районым ипащэу агъэнэфагъ предпринимателэу АР-м и Къэралыгъо Совет-Хасэм идепутатыгъэу Шъхьэлэхъо Азмэт.

Хэдзъынхэм щатекIуагъэхэм афэгушIуагъ АР-м и ЛIышъхьэу ТхьакIущынэ Аслъан. Шъугу къэтэгъэкIыжьы: Тхьэлъэнэ Вячеслав икандидатурэ пае хэдзакIохэм япроцент 50,63- мэ амакъэ фатыгъ.

ТхьакIущынэ Аслъан пэщакIэм фэгушIуагъ. ЫкIи анахьэу ынаIэ зытыригъэтын фэе лъэныкъохэр къыхигъэщыгъ.

Тэхъутэмыкъое районым зыщыIэм ТхьакIущынэ Аслъан районым ипащакIэ пшъэрылъэу иIэщтхэр фигъэнэфагъэх.

Мыщ фэдэ Iоф тхьабзэм хэлэжьагъэх гъэцэкIэкIо, законодательнэ, суд хабзэхэм яорганхэм япащэхэр , федеральнэ къулыкъухэмрэ ведомствэхэмрэ ялIыкIохэр, Абхъазымрэ Краснодар краимрэ ялIыкIохэр, районым щыпсэухэр.

- Адыгеим иэкономикэ хэ­хъоныгъэхэр ышIынхэмкIэ, ыпэкIэ лъыкIотэнымкIэ Тэхъутэмыкъое районым мэхьанэшхо иI, - къыIуагъ АР-м и ЛIышъхьэ зэхахьэм къекIо­лIагъэхэм закъыфи­гъа­зэзэ.

- Мы аужырэ илъэс­хэр пштэмэ, районым къихьэгъэ инвесторхэм япчъагъэ хэпшIыкIэу хэ­хъуагъ, промышленностым, нэмыкI отраслэхэм гъэхъэ­гъэшIухэр ашIых. Бизнес цIыкIумрэ гурытымрэ алъэны­къокIэ Iоф зышIэрэ субъект минищым ехъу районым ит. Зэрэ республикэу пштэмэ, Iоф­шIапIэ зимыIэ цIыфхэм япчъа­гъэ нахь зыщымакIэу агъэунэфыгъэр Тэхъутэмыкъое районыр ары. ТапэкIи а гъогум тыте­мыкIэу IэпыIэгъу тыкъышъуфэхъузэ тшIыщт,- къыIуагъ АР- м и ЛIышъхьэ.

Шъхьэлэхъо Азмэт икандидатурэ пае хэдзакIохэм япроцент 53,8- мэ амакъэ фатыгъ.

Смотрите также:

Оставить комментарий (0)

Также вам может быть интересно

Загрузка...

Топ 5 читаемых