64

ЯIофшIакIэ зыщагъэгъозагъ

Фото Александра Воложанина / www.adygheya.ru

Урысые форумэу «Производительность 360» зыфиIорэм къыдыхэлъытагъэу Нижний Новгород ипромышленнэ предприятиехэу проектэу «Эффективная губерния» зыфиIорэм хэлажьэхэрэм яIофшIакIэ нэIуасэ зыфашIыгъ. Адыгеим и ЛIышъхьэу КъумпIыл Мурат ПАО-у «Завод Красное Сормово» зыфиIорэмрэ АО-у «Гринатомымрэ» ащыIагъ.

ПАО-у «Завод Красное Сормово» зыфиIорэр Нижний Новгород ипредприятие анахьыжъхэм зэу ащыщ, 2018-рэ илъэсым къыщегъэжьагъэу кIэугъоеным фытегъэпсыхьагъэхэ технологиехэр мыщ къыщызфагъэфедэх. ГущыIэм пае, производственнэ процессхэр нахь псынкIэу зэхащэхэ зэрэхъугъэм ишIуагъэкIэ продукциеу къыдагъэкIырэр хэпшIыкIэу нахьыбэ хъугъэ.

АО-у «Гринатом» зыфиIорэм ипроизводственнэ процесс заулэхэмкIэ роботхэр агъэфедэх. ГущыIэм пае, кадрэ IофхэмкIэ цифрэ технологиехэр Iэрыфэгъух, предприятиеу «Росатомым» IофышIэхэр ыштэхэ зыхъукIэ, IофшIэнхэм азыныкъор роботхэм агъэцакIэ.

Джащ фэдэу форумым хэлажьэхэрэм Нижегородскэ хэкум и Правительствэ къэралыгъо къулыкъур зэрэщыгъэпсыгъэм нэIуасэ зыфашIыгъ. Къэралыгъо къулыкъушIэхэр мыщ щагъасэх шIуагъэ къытэу яIофшIэн зэхащэнэу, IофшIэпIэ чIыпIэр тэрэзэу зэтырагъэпсыхьанэу, къэралыгъо фэIо-фашIэхэм ягъэцэкIэнкIэ опытышIоу щыIэхэр къызфагъэфедэнхэу.

Форумым къыдыхэлъытэгъэ пленарнэ зэхэсыгъоу щыIагъэм хэлэжьагъэх Урысые Федерацием и Президент и Администрацие ипащэ иапэрэ гуадзэу Сергей Кириенкэр, Урысые Федерацием экономикэ хэхъоныгъэмкIэ иминистрэу Максим Орешкиныр, АНО-у «Федеральный центр компетенций в сфере производительности труда» зыфиIорэм игенеральнэ директорэу Николай Соломон, Урысые Федерацием и Президент и Полномочнэ лIыкIоу Приволжскэ федеральнэ шъолъырым щыIэ Игорь Комаровыр, къэралыгъо компаниеу «Росатомым» игенеральнэ директорэу Алексей Лихачевыр, «Деловая Россия» ипрезидентэу Алексей Репик, Урысыем ишъолъырыбэмэ ялIыкIохэр.

Смотрите также:

Оставить комментарий (0)

Также вам может быть интересно

Загрузка...

Топ 5 читаемых

Самое интересное в регионах